नेपालगंजमा थप दुईजना कोरोना संक्रमित पुरुषको मृत्यु

बुटवल । बाँके नेपालगंजका दुईजना कोरोना संक्रमितको मृत्यु भएको छ । नेपालगन्ज मेडिकल कलेजमा उपचाररत उनीहरुको मृत्यु भएको हो ।मृतकहरु कोहलपुर नगरपालिका वडा नंं. १० का ५३ वर्षीय पुरुष र नेपालगञ्जका ४१ वर्षीय पुरुष रहेका छन् । 

स्वास्थ्य कार्यालय बाँकेका कोरोना फोकल पर्सन नरेशबाबु श्रेष्ठले एकजना संक्रमितको उपचारका क्रममा गएराति र एक जनाको मंगलबार बिहान ४ बजे मृत्यु भएको पुष्टि गरे ।

मेडिकल कलेजका अनुसार दुवैजनालाई प्लाज्मा थेरापी र रेम्डिसिभिरबाट उपचार भइरहेको थियो । दुवैजनाको भेन्टिलेटरमा राखि उपचार हुँदे आएको थियो ।