असोज १ गते सबैको घरमा दीप प्रज्वलन गरौँ : स्वास्थ्य मन्त्रालय

काठमाडौँ । आगामी असोज १ गते सबैको घरमा दीप प्रज्वलन गर्न सरकारले आग्रह गरेको छ । स्वास्थ्य तथा जनसंख्या मन्त्रालयले सूचना नै जारी गरी राति ८ बजे दीप प्रज्वलन गर्न सबैमा आग्रह गरेको छ।

स्वास्थ्यकर्मी र कोरोना संक्रमितहरूको मनोबल उच्च राख्नको लागि सरकारले नागरिकहरुलाई यस्तो आग्रह गरेको हो । स्वास्थ्य सेवा विभागका उपचार सेवा महाशाखा प्रमुख डातारानाथ पोखरेलले सम्पूर्ण स्वास्थ्यकर्मीहरूको सम्मान र संक्रमितहरुको मनोबल बढाउन घर घरमा दीप प्रज्वलन गर्न आग्रह गरिएको बताए । असोज १ गते विश्व विरामी सुरक्षा दिवस हो ।