भरतपुर अस्पतालको मेसुमा नियुक्त भए डा राजन पाण्डे

सफल खबर संवाददाता

विहीबार, २५ भदौ २०७७, १४ : ०५
भरतपुर अस्पतालको मेसुमा नियुक्त भए डा राजन पाण्डे

चितवन । चितवनको भरतपुर अस्पतालको मेडिकल सुपरिन्टेन्डेन्टमा डा राजन पाण्डे नियुक्त भएका छन् ।

स्वास्थ्य तथा जनसंख्या मन्त्रालयले भदौ २४ गतेको मन्त्रीस्तरको निर्णयबाट डा पाण्डेलाई नियुक्त गरेको हो । यसअघि डा श्रीराम तिवारी भरतपुर अस्पतालको मेसु थिए । एघारौँ तहका डा पाण्डे प्रमुख कन्सल्टेन्ट जनरल फिजिसियन हुन् ।

स्वास्थ्य मन्त्रालयका उपसचिव प्रमोद सिंखडाका अनुसार अर्को निर्णय नभएसम्म भरतपुर अस्पतालको आर्थिक तथा प्रशासनिक अधिकारको प्रयोग गरी काम गर्न डा पाण्डेलाई निर्देशन गरिएको छ । 

यसअघि बाँकेको भेरी अस्पतालमा कार्यरत प्रमुख कन्सल्ट्यान्ट फिजिसियन एवं अस्पतालका मेडिसिन विभागका प्रमुख बनेका डा पाण्डे कोरोना सङ्क्रमित भएर निको भएका हुन् । 

 

प्रतिक्रिया दिनुहोस