काठमाडौं । समाजवादी पार्टी र राष्ट्रिय जनता पार्टी बीच पार्टी एकता पछि जनता समाजवादी पार्टी (जसपा) बनेको तीन महिना पुगेको छ । दल दर्ताको कानुनी वैद्यता निर्वाचन आयोगबाट यो दलले प्राप्त गरिसकेको छ । अध्यक्षमा महन्थ ठाकुर र उपेन्द्र यादव छन । तर डा. बाबुराम भटट्राई ? पूर्वप्रधानमन्त्री समेत रहेका डा. भटट्राईको जसमामा अहिले कुनै पदीय हैसियत छैन् ।
दल दर्ताको अन्तिम प्रक्रिया पूरा गर्दा उक्त पार्टीमा देखिएको वरियता विवादका कारण डा. भटट्राईले कुनै पनि पद लिन अस्वीकार गरे । त्यसपछि उनलाई राखियो बरिष्ठ नेताका रुपमा चौथो नम्बरमा । पार्टी एकतापछि कमिटिगत भागवन्डा लगाउन जनता समाजवादीको पार्टी केन्द्रीय कार्यकारिणी समितिको बैठक बस्यो ।
त्यो पनि फेरि सत्तारुढ दल नेकपाको सम्पत्तिको रुपमा रहेको तुलसीलाल स्मृति प्रतिष्ठानको बालकुमारीस्थित भवनमा । तीन दिन बैठक चले, २६ गतेसम्म पार्टी कार्यकारी समितिको बैठक बस्ने र त्यसले कमिटिको भागवन्डा टुग्ंयाउने, पदाधिकारी चयन गर्ने र पार्टी संसदीय दलको नेता चयन गर्ने गरी बैठक बोलाईएको थियो ।
तर नेताहरुका बीचमै चलेको शक्ति संर्घषका कारण विवाद पेचिलो बनेपछि जसपाको बैठक बिना निश्र्कष टुंगो नै नलगाई एकाएक बैठक नै सकिएको छ । जसपाका एक नेताले भने,–‘बैठक बोलाइयो, ३ दिन बसियो, जस्ताको तस्तै कुनै निर्णय नगरी त्यक्तिकै सकियो ।’ उनका अनुसार, बैठक बोलाउँदा नै २६ साउन सम्म बैठक वस्ने जानकारी सहभागी नेताहरुलाई गराईएको थियो । तर नेताहरुका बीचमा भागवन्डामै कुरा नमिलेपछि एकताको चरणमै पार्टीमा गम्भिर समस्या देखा पर्ने देखेपछि बैठक त्यक्तिकै सकिएको थियो ।
जसपामा संसदीय दलको नेताको तिव्र आकांक्षा राजेन्द्र महतोले देखाएका छन् । तर केही नेताहरुले दल नेतामा डा. बाबुरामलाई दिनुपर्ने तर्क पनि सारेका छन् । अध्यक्षको जिम्मेवारीमा नरहेका कारण दलको जिम्मा भने डा. बाबुरामलाई दिनुपर्ने तर्क पनि जसपावृत्तमा उठेको छ ।
यही विवाद टुंगो लगाउन नसक्दा जसपा पार्टी एकता प्रक्रिया टुंगो लगाउनै नसक्ने गरी अल्झिएको छ । पदाधिकारीमा को–को हुने ? दलका नेता कसले उछिट्याउने भन्नेमा कुनै निश्र्कष निकाल्न उसले सकेन् । ‘अब विवाद मिलाउने जिम्मा शिर्ष नेतालाई दिइएको छ । शीर्ष नेताहरु बस्नुहुन्छ, त्यसपछि उहाँहरुले एउटा निश्र्कष निकाल्नुहोला,’–जसपाका ति नेताले बताए ।
कार्यकारिणी समितिको बैठकले अध्यक्षद्वय महन्थ ठाकुर र उपेन्द्र यादव तथा वरिष्ठ नेताहरू अशोक राई, बाबुराम भट्टराई र राजेन्द्र महतोलाई निर्णय गर्ने जिम्मा दिएको हो । जसपाको पहिलो कार्यकारिणी समितिको बैठकमा पार्टी समायोजन, कार्यविभाजनसहितका सात वटा एजेन्डा प्रस्तुत भएको थियो । तर एउटैमा कुनै निर्णय उक्त पार्टीले लिन सकेन् । सातवटै एजेन्डामा कार्यकारिणी समितिका सदस्यहरूले दिएका सुझाब मिलाएर शीर्ष पाँच नेताले निर्णय सार्वजनिक गर्ने नेता लक्ष्मणलाल कर्णले बताए ।
प्रतिक्रिया दिनुहोस
सफल खबर संवाददाता
आइतबार, २५ साउन २०७७, ०९ : ५१
लेखकबाट थप
सम्बन्धित समाचारहरु
जसपाको केन्द्रीय सम्पर्क समिति पुनर्गठन
जसपाकी सांसद मञ्जु शर्मा अन्सारीको निधन
जसपाका मन्त्रीहरूको शपथ आज
जसपा सरकारमा जाने, स्वास्थ्यमन्त्रीमा उपेन्द्र यादव पक्का
जसपाको केन्द्रीय कार्यकारिणी समितिको बैठक बस्दै
जसपा तत्काल सरकारमा सहभागी नहुने