गुल्मीमा पहिरोमा पुरिएर एकै परिवारका ४ को मृत्यु

सफल खबर संवाददाता

शनिबार, १७ साउन २०७७, ०७ : ३७

काठमाडौं । गुल्मीमा पहिरोमा परेर एकै परिवारका चार जनाको मृत्यु भएको छ। रुरुक्षेत्र गाउँपालिका ५ अन्र्तगत टाहाटिम नजिकै आँटीपाटामा शुक्रबार राति स्थानीय राजु माझीको घर पहिरोले पुरिएको हो ।  

जिल्लाको रुरुक्षेत्र गाउँपालिका वडा नम्बर–५ टाहाटिम आटीपाटामा घरमाथि ढुंगा खसेर च्याप्दा ३० वर्षकी बिना बोटेमाझी, उनका छोराहरु ९ वर्षका सागर, ७ वर्षका हेमन्त र १० महिनाकी छोरी बिनिताको घटनास्थलमै मृत्यु भएको वडा अध्यक्ष हरिप्रसाद ज्ञवालीले जानकारी दिए ।

पहिरोमा परेर ज्यान गुमाएका चारै जनाको शव स्थानीयहरुको सहयोगमा निकाली सकिएको छ ।

प्रतिक्रिया दिनुहोस