चोटग्रस्त भएपछि एमबाप्पे ३ हप्ता मैदान बाहिर

एजेन्सी

मंगलबार, १३ साउन २०७७, ०८ : ३४
चोटग्रस्त भएपछि एमबाप्पे ३ हप्ता मैदान बाहिर

एजेन्सी । फुटबलर केलियन एमबाप्पे खेलको क्रममा लागेको चोटका कारण ३ हप्ता प्रतियोगिता नखेल्ने भएका छन् । फ्रेन्च क्लब पेरिस सेन्ट–जर्मेन (पिएसजी) का फरवार्ड रहेका केलियन एमबाप्पेको दायाँ गोडाको गोलीगाँठोमा लागेको चोटका कारण तीन हप्ता मैदान बाहिर हुने भएका छन् ।

उनले आउँदो अगस्ट १२ मा लिस्बनमा हुने इटालियन क्लब एट्लान्टासँगको च्याम्पियन्स लिग क्वाटरफाइनलको खेल गुमाउने भएका हुन् । २१ वर्षका एमबाप्पे फ्रेन्च कप अन्तर्गत शुक्रबार राति भएको फाइनल खेलको क्रममा चोटग्रस्त भएका थिए । चोट लागेपछि रुँदै मैदानबाट बाहिरिएका उनको डाक्टरहरुले निगरानी गरिरहेका छन्।

Yeti Diistillery Tansen Cement box

उनी पिएसजी सेमिफाइनलमा पुग्न सकेमा १८ अगस्टमा हुने खेलका लागि भने मैदानमा उपलब्ध हुन सक्ने छन् । स्क्यानहरुबाट यो थाहा भएको छ कि उनको गोलीगाँठोको बाहिरी लिगामेन्ट च्यातिएको छ । पिएसजीले वक्तव्य जारी गरेर भनेको छ, ‘एमबाप्पे तीन हप्ता साइडलाइन हुने देखिएको छ ।’

प्रतिक्रिया दिनुहोस