बालुवाटारमा मन्त्रिपरिषद् बैठक आज बस्दै

काठमाडौं । प्रधानमन्त्री केपी ओलीले मन्त्रिपरिषद् बैठक बोलाएका छन् । दिउँसो ४ बजे प्रधानमन्त्री निवास बालुवाटारमा बैठक बोलाएको एक मन्त्रीले बताए । 

यो बैठक क्याबिनेटको नियमित बैठक हो । बिहीबार नै उनले क्याबिनेट बैठक राख्न खोजेपनि समय अभावका कारण गर्न नसकेको प्रधानमन्त्रीको नीजि सचिवालयले जनाएको थियो । त्यसयता बैठक बस्न सकेको थिएन् । 

उनले आज ४ बजेको बैठकको सूचना मन्त्रीहरुलाई हिजो साँझ नै पठाईसकेका छन् । बैठकमा समसामयिक मन्त्रालय गत निर्णय मात्र हुन सक्ने सम्भावना रहेको एक मन्त्रीले वताए । 

तर, प्रधानमन्त्री ओलीले हिजो आफ्नो सरकार फाल्नको लागि भारत सक्रिय रहेको भनी दिएको अभिब्यक्तीका विषयमा पनि क्याबिनेट बैठकमा प्रश्न उठन सक्ने बताईएको छ ।  क्याबिनेट बैठकमा असार २६ बाट म्याद सकिन लागेको नेपाल प्रहरीको महानिरीक्षकका विषयमा पनि सामान्य छलफल हुन सक्ने बताईएको छ । प्रहरी महानिरीक्षकमा हरि पाल र शैलेश थापा दौडमा छन् ।