एजेन्सी । अमेरिकी राष्ट्रपति डोनाल्ड ट्रम्पले नयाँ कामदारलाई अमेरिकामा वर्किङ भिसा दिन लगाइएको प्रतिबन्ध यो वर्षको अन्त्यसम्म कायम राख्ने भएका छन् । ट्रम्पले विदेशी कामदारको भिसा यो वर्ष २०२० को अन्त्यसम्मका लागि निलम्बित गरेका छन् ।
व्हाइट हाउसका एक वरिष्ठ अधिकारीका अनुसार दक्ष कामदारका लागि एच वनबी भिसा, कम्पनीमा काम गर्ने कर्मचारीको ट्रान्सफर गर्ने एल–वन भिसा, एकेडेमिक र अनुसन्धानकर्ताका लागि जे भिसा र सिजनल वर्करका लागि एच–टुबीच भिसा नदिइने भएको हो ।
यद्यपि यो प्रतिबन्धमा फुड प्रोसेसिङ उद्योगमा काम गर्ने कर्मचारीलाई भने छुट दिन सक्ने बताइएको छ । व्हाइट हाउसका एक अधिकारीले नाम उल्लेख नगर्ने शर्तमा सरकारको यो निर्णयबाट अमेरिकी जनताले कोरोना महामारीपछि तत्काल काम पाउनसक्ने बताएका छन् ।
अधिकारीले भने, ‘राष्ट्रपति ट्रम्प अमेरिकी जनतालाई जतिसक्दो छिटो काममा फर्काउन चाहन्छन् ।’ अमेरिकामा भिसामाथि लगाइएको यो प्रतिबन्धबाट पाँच लाख २५ हजार रोजगारी अमेरिकी जनताले पाउनेछन् । कोरोना भाइरसको महामारीपछिको संकटमा अमेरिकीका लागि यो राहतको विषय हुनेछ ।
कोरोना भाइरसको संकटको समयमा उनले विदेशी नागरिकलाई स्थायी बसोबासको सुविधा (ग्रीनकार्ड) माथि तात्कालिक रुपमा प्रतिबन्ध घोषणा गर्न सक्ने बताइएको छ । ट्रम्पले विदेशी कामदारलाई रोक्नका लागि सक्दो प्रयास गरिरहेका छन् । ट्रम्प प्रशासनले कोरोना महामारीको बहाना बनाएर आप्रवासन कानूनको उल्लंघन गरेको आलोचकहरुले बताएका छन् ।
प्रतिक्रिया दिनुहोस
एजेन्सी
मंगलबार, ०९ असार २०७७, १० : २६
लेखकबाट थप
सम्बन्धित समाचारहरु
अमेरिका भ्रमण सकेर स्वदेश फर्किए अर्थमन्त्री पुन
अमेरिका र बेलायतले कसरी सघाउँदैछ इजरायललाई ?
सर्वेक्षणमा ६ ठूला राज्यमा बाइडेनभन्दा ट्रम्प अगाडि
अमेरिकामा जहाज ठोक्किँदा पुल भत्कियो, धेरै सवारीसाधन पानीमा खसे
सङ्क्रमणकालीन न्यायको काम टुङ्ग्याउने सहयोग रहन्छ: अमेरिका
अमेरिकामा बेरोजगारी दर २ वर्षयताकै उच्च