भारत र चीन बिचको समस्याले विश्ययुद्ध त निम्त्याउन्न ? अहिलेको विवादबारे के भन्छन् दुवै देशका सेना !

एजेन्सी । भारत र चीन बिच द्धन्द्ध बढ्दै जाँदा अहिले विश्वको ध्यान यस तर्फ केन्द्रित भएको छ । भारत र पाकिस्तान बिचको द्धन्द्ध स्थिरको स्थितीमा नपुग्दै पुनः दुई ठुला शक्ति राष्ट्र बिच सिमालाई लिएर विवाद शुरु भएको छ । यो  विवाद साम्य हुन सकेन् भने तेश्रो विश्व युद्ध सम्म हुन सक्ने अड्कलबाजी शुरु भएको छ ।

भारतसँग सिमा जोडिएका देशहरु नेपाल, चीन र पाकिस्तानसग सिमा मिचेको आरोप भारत माथि लाग्दै आएको छ । तर सोमबार राति चीन र भारतको सिमा लद्धाखमा भएको दुवै पक्षको युद्धले यसले विश्व युद्ध त निम्त्याउने होईन भनेर अन्य ठुला राष्ट्रले भन्न थालेका छन् ।  चीन भारतको सिमा पूर्वी लद्दाखको गलवान घाटीमा सोमबार राति चिनियाँ र भारतीय सेनाबीच भएका भड्पमा भारतीय सेनाका एक अधिकारीसमेत १९ जवानको मृत्यु भएको छ ।

भारतीय सेनाले मंगलबार  राती एक आधिकारिक बयान जारी गर्दै भन्यो, ‘भारत र चीनको सेना गलवान इलाकाबाट पछि हटेको छ । १५-१६ जूनको राती यहाँ दुई देशका सैनिकबीच झडप भएको थियो । झडप र गतिरोध भएको इलाकामा ड्युटीका क्रममा १७ भारतीय सैनिक गम्भीर रुपमा घाइते भएका थिए । शून्य डिग्रीभन्दा पनि मुनिको तापक्रम र अत्यधिक उचाई भएको यो इलाकामा गम्भीर रुपमा घाइते यी १७ सैनिकको मृत्यु भयो । यहाँ कूल २० भारतीय सैनिकको मृत्यु भएको छ । भारतीय सेना देशको अखण्डता र सम्प्रभुताको रक्षाका लागि प्रतिबद्ध छ ।’

बयानमा दुई देशका वरिष्ठ सैन्य अधिकारी तनाव कम गर्नका लागि छलफल गरिरहेको बताइएको थियो । यता, चीनको सरकारी समाचार एजेन्सी सिन्ह्वाले पिपल्स लिबरेशन आर्मी (पिएलए) को पश्चिमी थिएटर कमान्डका प्रवक्ता चांग शुइलीको बयान पिएलएको आधिकारिक बिबो अकाउन्टमा पोस्ट गरिएको जानकारी दिएको छ । उक्त बयानमा चांगले भारतले निकै कडा रुपमा आफ्नो सैनिक रोक्नुपर्ने र विवाद समाधानका लागि संवादको सही बाटोमा अघि बढ्नुपर्ने बताएका छन् । चांगले भनेका छन्, ‘भारतीय सैनिकले आफ्नो बचन उल्लंघन गरेको छ र एकपटक पुनः एलएसी पार गरेका छन् । 

जानीजानी चिनियाँ बललाई उक्साए र उनीहरुमाथि हमला गरे । जसका कारण दुबै पक्षमा आमने–सामने झडप भयो र यसैकारण हताहतको स्थिती बन्यो । भारत आफ्नो सैनिकलाई रोक्न कडा निर्देशन लागू गरोस् र कुराकानीमार्फत् विवाद सुल्झाओस् भन्ने माग गर्छु ।’ झड्प साम्य भएसंगै अहिले यि दुवै राष्ट्र वार्ता मार्फत समस्या समाधानको दिशामा अघि बढेका छन् । दुवै पक्षका सेनाले पनि अहिले देखिएको समस्या वार्ताको माध्यमबाट समाधान हुनुपर्नेमा जोड दिएका छन् ।घटना पछि दुवै देशका अधिकारी बिच आरोप प्रत्यारोप समेत शुरु भएको छ । सिमा विवादका कारण ४५ वर्ष पछि सेनाको मृत्यु भएको बताईएको छ ।  एजेन्सीको सहयोगमा