भारतमा दिन प्रति दिन कोरोना संक्रमितको संख्या भयावह बन्दै, बितेको २४ घंटामा करिब ४ सयको मृत्यु

काठमाडौं । विश्वभरि नै  कोरोना भाइरसको महामारी तिब्र गतिमा फैलिदैं गर्दा पछिल्लो केही समय यता छिमेकी मुलुकमा संक्रमण तथा मृत्यु दर भयावह बन्दै गएको छ ।  भारतिय संचारमाध्यमका अनुसार पछिल्लो २४ घंटामा ३ सय ९४ जनाको मृत्यु भएको छ । अहिले सम्म यो एकै दिन मृत्यु भएको सबैभन्दा बढी हो ।

यो संगै भारतमा कुल मृतकको संख्या ८ हजार ५ सय १ जनाको मृत्यु भएको छ । कुल संक्रमणको संख्या भने २ लाख ९८ हजार २८३ पुगेको छ ।  भने बितेको २४ घंटामा ११ हजार १२८ जना नयाँ संक्रमित थपिएका छन् ।विश्वमा कोरोना भाइरसको महामारीका कारण ४ लाख २३ हजार ८४६ जनाको मृत्यु भईसकेको छ भने ७५ लाख ९७ हजार ४२६ जनालाई संक्रमण भएको छ ।

त्यस्तै ३८ लाख ४१ हजार ९४३ जना स्वास्थ्यपचार पछि निको भएका छन् भने ५३ हजार ८९८ जनाको स्वास्थ्य अवस्था गम्भीर रहेको छ । यसैबीच भारतमा कोरोना भाइरसको महामारीका कारण अहिलेसम्म ८ हजार ५०१ जनाको मृत्यु भईसकेको छ भने २ लाख ९८ हजार २८३ जनालाई संक्रमण भएको छ । त्यहाँ १ लाख ४६ हजार ९७२ जना स्वास्थ्योपचार पछि निको भएका छन् भने ८ हजार ९४४ जनाको स्वास्थ्य अवस्था गम्भीर रहेको छ ।