एजेन्सी । अश्वेत व्यक्ति मारिएको विरोधमा अमेरिकामा शुरु भएको आन्दोलन दिन प्रति दिन चर्किदैं गएको छ । राजधानी वासिङ्गटन डिसीमा रंगभेद र प्रहरी बरबर्ताको विरोधमा दशौँ हजार मानिसले प्रदर्शन गरेका छन् ।
मिनेशोटाको मिनियापोलसमा निहत्था अश्वेत व्यक्ति जर्ज फ्लोइडको प्रहरी हिरासतमा मृत्यु भएको विरोधमा सुरु भएको प्रदर्शनले संस्थागत रुपमा रहेको रंगभेद र प्रहरी बरबर्ता विरोधी आन्दोलनको रुपमा लिएको छ । अमेरिकामा लगातार १२ दिनदेखि प्रदर्शन भइरहेको हो ।
फ्लोइडको गएको मे २५ मा निधन भएको थियो । उनलाई स्थानीय प्रहरी अधिकारीले पक्राउ गर्ने क्रममा घुँडाले घाँटीमा लगातार झण्डै नौ मिनेट थिचेका थिए । फ्लोइडले ‘मैले सास फेर्न सकिरहेको छैन’ भन्दा पनि प्रहरी अधिकारीले घाँटीबाट घुँडा हटाएका थिएनन् । त्यसको केही समयपछि फ्लोइडको मृत्यु भयो ।
सो घटनाको भिडियो सार्वजनिक भएपछि अमेरिकासहित विश्वभर रंगभेद विरुद्ध प्रदर्शन भइरहेको छ । प्रदर्शनको क्रममा केही स्थानमा लुटपाट, तोडफोड तथा आगजनी भए पनि अधिकांश रुपमा शान्तिपूर्ण छ । तर शान्तिपूर्ण प्रदर्शनमै पनि सत्ताको बलमा प्रहरीले ज्यादती गरेको भन्दै तीव्र आलोचना भइरहेको छ ।
वासिङ्गटको लिंकन मेमोरियल र लाफयेत्ती पार्कमा मानिसहरु भेला भएका हुन् । सुरक्षाकर्मीले प्रदर्शनकारीलाई नजिकै रहेको राष्ट्रपति कार्यालय ह्वाइट हाउस तर्फ जान दिएनन् । प्रदर्शनकारीले त्यहिँ नारा लगाएका हुन् । यसैबिच फ्लोइडको जन्मभएको नर्थ क्यारोलाइनामा मानिसहरु भेला भएर स्मृतिसभा गरेका छन् । त्यहाँ पनि प्रदर्शन भएको छ । घटनाको विरोध गर्दै अन्य देशहरुमा पनि प्रदर्शन शुरु भएको छ ।
प्रतिक्रिया दिनुहोस
एजेन्सी
आइतबार, २५ जेठ २०७७, ०९ : ३९
लेखकबाट थप
सम्बन्धित समाचारहरु
इरानी राष्ट्रपतिको पाकिस्तान भ्रमणमा अमेरिकाले दियो यस्तो चेतावनी
अमेरिका भ्रमण सकेर स्वदेश फर्किए अर्थमन्त्री पुन
अमेरिका र बेलायतले कसरी सघाउँदैछ इजरायललाई ?
सर्वेक्षणमा ६ ठूला राज्यमा बाइडेनभन्दा ट्रम्प अगाडि
अमेरिकामा जहाज ठोक्किँदा पुल भत्कियो, धेरै सवारीसाधन पानीमा खसे
सङ्क्रमणकालीन न्यायको काम टुङ्ग्याउने सहयोग रहन्छ: अमेरिका