पार्टीमा बजेट छलफल

अर्थमन्त्रीकै अगाडी प्रवक्ता नारायणकाजी श्रेष्ठले भने, बजेट तयार पारेर छलफल गर्नुको के अर्थ ?

सफल खबर संवाददाता

आइतबार, ११ जेठ २०७७, १० : ४२
अर्थमन्त्रीकै अगाडी  प्रवक्ता नारायणकाजी श्रेष्ठले भने, बजेट तयार पारेर छलफल गर्नुको के अर्थ ?

काठमाडौं । नेकपाका प्रवक्ता नारायणकाजी श्रेष्ठ (प्रकाश) ले बजेट तयारीका विषयमा पार्टीभित्र छलफल नगराएको भन्दै असन्तुष्टि जनाएका छन् । शनिबार प्रधानमन्त्री निवास बालुवाटारमा बसेको स्थायी समितिका केही सदस्य सहित सचिवालयको अनौपचारिक छलफलमा नेता श्रेष्ठले असन्तुष्टि पोखेका हुन् ।

बजेटको तयारीका विषयमा नेताहरुलाई ब्रिफिङ गर्न पुगेका अर्थमन्त्री डा. युवराज खतिवडाले बजेटमा नयाँ कार्यक्रम समेटन नसकेको, नीति तथा कार्यक्रममा केन्द्रीत रहेर बजेट आएको र कोरोना र त्यसको प्रभावपछिको रोजगारी केन्द्रीत गरेर बजेट बनाईएको वताएका थिए । अर्थमन्त्री खतिवडाले बजेटका विषयमा ब्रिफिङ गरेपछि प्रवक्ता श्रेष्ठले असन्तुष्टि पोखेका हुन् ।

उनले पार्टीका स्थायी समितिका २० जना नेताले बजेट, नीति तथा कार्यक्रम, कोरोना महामारी र सरकारको कामको समिक्षाका विषयमा छलफल गर्न स्थायी समिति बैठक बोलाउन माग गरेपनि बैठक बस्न नसकेको भन्दै बजेट तयार बनाएर छलफल गर्नुको अर्थ नहुने धारणा राखेका थिए । बजेट अगाडी नेताहरुले छलफल माग गरिरहनु भएको थियो, तर त्यसमा कुनै छलफल हुदै भएन् । अहिले बजेट तयारी भईसक्यो अनि तयार भईसकेको बजेटमा छलफल गर्नुको के अर्थ ?

प्रवक्ता श्रेष्ठले असन्तुष्टि पोख्दै भने,–‘बजेट तयार भईसकेपछि एकैपटक १५ गते संसदमै सुनाएको भए भइहाल्यो नी, किन अहिले ब्रिफिङ आवश्यक परयो र ?’ नेता श्रेष्ठले असन्तुष्टि पोखेपनि अन्य नेताहरुले भने खास टिप्पणी गरेनन् । उपाध्यक्ष वामदेव गौतमले भने कृषिलाई अब प्राथमिकता दिएर बजेट आउनु पर्ने धारणा राखेका थिए ।

विदेशमा रहेका नेपाली घर फर्कने र देशभित्रकै पनि धेरैको रोजगारी कोरोनाका कारण गुम्ने भन्दै गौतमले कृषिमा रोजगारी उपलब्ध गराउने गरी कृषिमा सरकारले बजेट निर्माण गर्दा पर्याप्त ध्यान केन्द्रीत गर्नुपर्ने धारणा राखेका थिए । सरकारले सम्बैधानिक ब्यवस्था अनुसार १५ जेठमा संसदमा आर्थिक वर्ष २०७७÷०७८ को बजेट प्रस्तुत गर्ने कार्यक्रम छ ।

प्रतिक्रिया दिनुहोस