काठमाडौं । विश्वब्यापी महामारीको रुप धारण गर्दै गइरहेको कोभिड १९ (कोरोना भाइरस) नियन्त्रण हुने भन्दा झन बिस्तार हुने क्रममा छ । विश्वमा फैलदै गएको यो भाइरसको अन्त्य कहिले र कुन रुपमा होला कसैले भन्न सकिरहेका छैनन ।
विश्व स्वास्थ्य संगठन (डब्लुएचओ)का अनुसार, विगत २४ घण्टामा अहिलेसम्मकै सबैभन्दा बढी कोरोना भाइरसका संक्रमित देखा परेका छन् । उसले संक्रमित झन झन बढेकोले नियन्त्रण तर्फ नरहेको र महामारीकै रुप लिईरहेको प्रतिक्रिया दिएको छ । विगत २४ घण्टामा विश्वभर १ लाख ६ हजार भन्दा बढी मानिसहरु कोरोना संक्रमित भएको डब्लुएचओले तथ्याक सार्वजनिक गरेको छ ।
डब्लूएचओका महानिर्देशक डा. टेडरोज आध्यनोम गेब्रेयेसोसले भने, –‘पछिल्लो २४ घण्टामा डब्लूएचओलाई प्राप्त तथ्यांक अनुसार विश्वमा १ लाख ६ हजार नयाँ केस थपिएका छन्, यो एकै दिन थपिएको संक्रमितको संख्या अहिलेसम्मकै धेरै हो, झण्डै दुईतिहाइ केस त मात्रै चार देशका हुन् ।’
अहिलेसम्म कोरोनाका कारण विश्वमा संक्रमित हुनेको संख्या ५० लाख ८५ हजार ५ सय पुगिसकेको छ । जसमध्ये ३ लाख २९ हजार ७ सय ३१ जनाको मृत्यु भएको छ । २० लाख २१ हजार ६ सय ६६ जना भने निको भएका छन् । नेपालमा पनि अहिलेसम्म ४४४ जना संक्रमित भईसकेका छन् । २ जनाको निधन भईसकेको छ ।
प्रतिक्रिया दिनुहोस
सफल खबर संवाददाता
विहीबार, ०८ जेठ २०७७, ०९ : ३४
लेखकबाट थप
सम्बन्धित समाचारहरु
थप ६ जनामा कोरोना संक्रमण
थप २१ जनामा कोरोना संक्रमण पुष्टि
थप १७ जनामा कोरोना संक्रमण
थप ५१ जनामा कोरोना संक्रमण पुष्टि
थप ५७ जनामा कोरोना संक्रमण पुष्टि
थप १७ जनामा कोरोना संक्रमण