काठमाडौं । जिल्लाका विभिन्न स्थानका क्वारेन्टाइनमा बसेकामध्ये २५९ जनाको कोरोना भाइरस (आरडिटी) रिपोर्ट नेगेटिभ आएको छ । परीक्षण गरेका २९७ मध्ये ३८ जनाको भने रिपोर्ट आउन बाँकी छ ।
जिल्लास्थित विभिन्न क्वारेन्टाइनमा बसेकामध्ये प्राथमिक स्वास्थ्य केन्द्र सुलिचौरमा दुई, रोल्पा नगरपालिकाको कोटगाउँमा ३३, रोल्पा अस्पतालमा सात, सुनछहरी गाउँपालिकामा २९, रुन्टीगढी गाउँपालिकामा १७, लुंग्री गाउँपालिकामा १०९, थवाङ गाउँपालिका नौ र माडी गाउँपालिकामा ५३ जना रहेको स्वास्थ्य कार्यालयका जनस्वास्थ्य अधिकृत अनिल केसीले जानकारी दिनुभयो ।
यता देशका विभिन्न स्थानमा रोजगारीमा गएकाहरु फर्कने क्रम चलेसँगै स्थानीयवासीमा त्रास देखिन थालेको छ । काठमाडौँ, ललितपुर र भक्तपुरका विभिन्न इँटाभट्टामा काम गर्ने दुई हजार ३७३ मजदूर जिल्ला फर्केको जिल्ला प्रहरी कार्यालयका प्रहरी नायब उपरीक्षक चित्रबहादुर गुरुङले जानकारी दिनुभयो ।
त्यसरी फर्कने मजदूरमध्ये २५० रुकुम(पूर्व)का र अन्य सबै रोल्पाली रहेको प्रनाउ गुरुङले बताउनुभयो । यसरी फर्कनेहरुलाई स्थानीय तहको व्यवस्थापनमा क्वारेन्टाइनमा राखिएको गुरुङले बताउनुभयो । रोजगारीका सिलसिलामा जिल्ला बाहिर गएकाहरु भित्रने क्रम जारी रहेको बताइएको छ । काठमाडौँ उपत्यकालगायत देशका विभिन्न जिल्लामा ज्यालामजदूरी गर्न गएका रोल्पालीको संख्या दश हजारभन्दा बढी रहेको बताइन्छ । केही मजदूर भने पैदलयात्रामार्फत पनि जिल्ला भित्रिसकेका छन् ।
प्रतिक्रिया दिनुहोस
रासस
बुधबार, १० बैशाख २०७७, २० : ४१
लेखकबाट थप
सम्बन्धित समाचारहरु
हावाबाट कोरोना फैलिएको विश्व स्वास्थ्य संगठनको स्विकारोक्ति
कोरोना भाइरसविरुद्धको खोप विसर्जन गरिँदै
नेपालमा कोभिडको नयाँ भेरियन्ट नभित्रिएको स्वास्थ्य मन्त्रालयको भनाइ
भारतको ११ राज्यमा फैलियो कोरोना भाइरसको नयाँ भेरियन्ट
भारतमा भेटियो कोरोनाको नयाँ भेरियन्ट
कोरोना भाइरसविरुद्धको ४० लाख मात्रा डोज खोप खेर जाँदै