काठमाडौँ । प्रधानमन्त्री केपी शर्मा ओलीको भोलि बुधबार बिहान ९ बजेदेखि मिर्गौला प्रत्यारोपण सुरु गरिने भएको छ।
नेपाली चिकित्सकहरूको टोलीले बुधबार बिहान ९ बजेदेखि प्रधानमन्त्री ओलीको दोस्रो पटक मिर्गौला प्रत्यारोपण सुरु गर्ने त्रिवि शिक्षण अस्पतालका प्राध्यापक डा अरुण सायमीले जानकारी दिए। सञ्चारकर्मीहरूसँगको कुराकानीको क्रममा प्रा डा सायमीले भने, ‘प्रधानमन्त्रीज्युको मिर्गौला प्रत्यारोपन बुधबार बिहान ९ बजेदेखि सुरु गरिनेछ।’
प्रा डा सायमीले प्रधानमन्त्री ओलीको मिर्गौला प्रत्यारोपन कार्य करिब तीनघण्टा लाग्ने पनि जानकारी दिए। उनले त्रिवि शिक्षण अस्पताल युरोलोजी तथा ट्रान्सल्पान्ट विभागका प्रा डा प्रेमराज ज्ञवाली नेतृत्वको नेपाली चिकित्सकको टोलीले प्रधानमन्त्री ओलीको मिर्गौला प्रत्यारोपन गर्ने जानकारी दिए। त्यस्तै भारतीय मिर्गौला प्रत्यारोपन विशेषज्ञ डा अमित कुमार नेतृत्वको विदेशी चिकित्सकहरूको एक टोलीपनि तयारी अवस्थामा राखिएको छ। विदेशी विशेषज्ञ चिकित्सकको टोलीले प्रधानमन्त्री ओलीको मिर्गौला प्रत्यारोपन कार्यको प्रत्यक्ष निगरानी गर्नेछ।
प्रतिक्रिया दिनुहोस
सम्बन्धित समाचारहरु
होलीले राष्ट्रिय एकता मजबुद बनाउन सहयोग गर्छ : ओली
दलित समुदायले पनि मन्त्री पाउँछ, यसै पटक नै पठाउँदैछौं : ओली
अहङ्कार हटाउन र विनम्र बन्न नेता कार्यकर्तालाई ओलीको निर्देशन
गृहमन्त्री लामिछानेलाई बदनाम गर्न खोजियोः अध्यक्ष ओली
नेपाली युवाहरू अध्ययन र कामका लागि बाहिर जाने प्रवृत्ति बढ्यो : अध्यक्ष ओली
कांग्रेसलाई ओलीको प्रश्न - पोहोर समर्थन गर्न हुने अहिले चाहिँ किन नहुने ?