काठमाडौँ । एसीसी इस्टर्न रिजन टि २० क्रिकेट प्रतियोगितामा मलेसियाले नेपाललाई ११ वर्षपछि २२ रनले पराजित गरेको छ। शनिबार थाइल्यान्डको बैंककस्थित टेर्डथाई क्रिकेट मैदानमा टस जितेर ब्याटिङ रोजेको मलेसियाले निर्धारित २० ओभरमा ६ विकेटको क्षतिमा १ सय ५४ रन बनाएको थियो।
मलेसियाले दिएको लक्ष्यलाई नेपालले पूरा गर्न सकेन। नेपालले १९।५ ओभरमा अलआउट हुँदै १३२ रनमा मात्र सीमित भयो। ओपनरको रूपमा क्रिजमा कुशल मल्ल र ज्ञानेन्द्र मल्ल उत्रिएका थिए।
कुशल मल्लको शून्य रनमा क्याच आउट भए भने ज्ञानेन्द्र मल्ल ३८ रन ३ चौका १ छक्का प्रहार गर्दै आउट भए। मलेसियाका पवनदीप सिंहले फालेका बललाई शेदअजिज क्याच गरेका थिए।
त्यस्तै, पारस खड्का ९ रन १ चौका बनाएर आउट भए। दीपेन्द्र सिंह ऐरी ३८ रनमा १ चौका, पवन सरार्फ १९ रनमा १ चौका १ छक्का र आरिफ शेख ५ रनमा १ चौका बनाएर आउट भए।
करण केसी पनि २ रनमात्र बनाएर आउट भए। विनोद भण्डारी ७ रन बनाएर आउट भए।मलेसियाको पहिलो विकेट लिएसँगै सन्दीप टी २० क्रिकेटमा १०० विकेट पूरा गर्ने पहिलो नेपाली खेलाडी बने ।
प्रतिक्रिया दिनुहोस
सम्बन्धित समाचारहरु
त्रिदेशीय क्रिकेट शृङ्खला : नेपाल र स्कटल्याण्ड खेल्दै
अफगानिस्तानसँगको रोमाञ्चक खेलमा नेपाल एक रनले पराजित
क्रिकेट खेल्न गएका बालक पोखरीमा बिलाए
पीएम कप क्रिकेटमा आज दुई खेल हुँदै
क्रिकेट खेलाडी ऐरीलाई गृहनगरमा सम्मान
गुप्तिलले लिए अन्तर्राष्ट्रिय क्रिकेटबाट सन्यास