संचारमन्त्री बाँस्कोटालाई बर्खास्त गरि छानविन गर : नेपाली काँग्रेस

काठमाडौं । प्रमुख प्रतिपक्षी दल नेपाली काँग्रेसले सञ्चार तथा सूचना प्रविधिमन्त्री गोकुल बाँस्कोटालाई तत्काल बर्खास्त गरेर निष्पक्ष छानविन गर्न आग्रह गरेको छ । सेक्युरिटी प्रिन्टिंग प्रेस राख्ने विषयमा कमिसन मागेको अडियो सार्वजनिक भएसंगै कांग्रेसले आज एक विज्ञप्ती जारी गर्दै बर्खास्तसंगै निष्पक्ष छानविनको माग गरेको छ ।

प्रवक्ता विश्वप्रकास शर्माद्धारा हस्ताक्षरित विज्ञप्तीमा भनिएको छ,‘सेक्युरिटी प्रिन्टिंग प्रेस खरिद तयारीसंगै ठुलो रकमको अनियमितताको तयारी भईरहेको अनुमानित विवरण यस अघि नै सार्वजनिक भएको र यसमा स्यवं संचारमन्त्री नै कमिसनका लागि बार्गेनिंग गरेको अडियो सार्वजनिक पश्चात त्यो अनुमान बलियो ढंगले प्रमाणित भएको छ ।’ तसर्थ यस घटनामा संलग्नलाई निलम्बन गरि छानविन गर्न आग्रह गर्दछु ।

संचारमन्त्री बाँस्कोटाले सेक्युरिटी प्रिन्टिंग प्रेस राख्नकै लागि ७० करोड रकम कमिसन मागको अडियो सार्वजनिक भएसँगै काँग्रेसले निष्पक्ष छानविन गर्न प्रधानमन्त्री केपी ओलीसँग सार्वजनिक रुपले आग्रह गरेको छ । 

बर्खास्त नगरे आन्दोलनमा उत्रिने नेविसंघको चेतावनी
यसैबिच काँग्रेसको भातृ संगठन नेविसंघले पनि मन्त्री ढुंगानालाई तत्काल बर्खास्त नगरे आन्दोलनमा उत्रिने चेतावनी दिएको छ । अध्यक्ष राजीव ढुंगानाद्धारा हस्ताक्षरित विज्ञप्तिमा भनिएको छ,‘सरकारका प्रवक्ता तथा आफ्ना प्रिय पात्रलाई संरक्षण उद्दत देखिए नेपाल विद्यार्थी संघ आन्दोलनको आँधीबहेरी सृजना गर्न बाध्य हुनेछ ।’