शेख हत्या प्रकरण : ढुंगाले हाने, संवेदनशील अंग काटेर जलाए

काठमाडौं । भारतीय नागरिक सुवान शेखको हत्या प्रकरणमा प्रहरीले दुई जनालाई नियन्त्रणमा पनि लिएको छ ।

झापाको चारपानेमा भएको शेख हत्या घटनाका आरोपित करण चौधरी र लक्ष्मण यादवलाई प्रहरीले पक्राउ गरेको छ । 

२१ माघको विहान विर्तामोड २ चारपानेमा भारत घर भई करिव १० वर्षदेखि चारपाने क्षेत्रमा बस्दै आएका ४० वर्षका शेखको हत्या भएको थियो । 

यस्तो थियो घटना

माघ २० गते मादक पदार्थ सेवन गरेका करण चौधरी र लक्ष्मण यादवको शेखसँग विवाद हुन्छ । विवादको क्रममा उनीहरुले शेखलाई ढुंगा प्रहार गर्छन् । शेख ढुंगा लागेर बेहोस हुन्छन् । दुबैले बेहोस भएका शेखलाई घिसारेर खेतमा लान्छन् ।

चक्कुले शेखको संवेदनशील अंग काटेर फाल्छन् र परालले छोपेर आगो लगाएर जलाउँछन्। पक्राउ परेकाहरुले दिएको बयानअनुसार विवादका क्रममा अश्लील गाली गरेको रिस र छिटो मरोस् भनेर संवेदनशील अंग काटेर फालेको प्रहरीको बयान छ । 

प्रहरीले घटनामा प्रयोग भएको चक्कुसहित दुवैलाई पक्राउ गरी सार्वजनिक गरेको छ ।