अपडेट : बस र माइक्रोबस जुध्दा पाँच जनाको मृत्यु

काठमाडौं । पूर्वपश्चिम राजमार्गअन्तर्गत सुनसरीको इनरुवास्थित पितृवना सडकखण्डमा बस र माइक्रोबस जुध्दा पाँच जनाको मृत्यु भएको छ । तीन जनाको घटनास्थलमै र दुई जनाको उपचारको क्रममा मृत्यु भएको हो । दुर्घटनामा माइक्रोका चालक दीपक खड्का र काठमाडौंका हेमराज कोइरालाको मृत्यु भएको पुष्टि भए पनि अन्य तीन जनाको सनाखत भएको छैन । 

पोखराबाट काकडभिट्टातर्फ गइरहेको ना.६ ख ७९५ को जगदम्बा बस र चन्द्रगढी झापाबाट काठमाडौँतर्फ गइरहेको बा।५ ख ३१५७ नम्बरको माइक्रोबस पूर्वपश्चिम राजमार्गमा आइतबार बिहान ७ः३० बजे ठोक्किएको हो ।

जिल्ला प्रहरी कार्यालय सुनसरीमा विनोद शर्माका अनुसार दुर्घटनामा अन्य ८ जनाभन्दा बढी घाइते भएका छन् । घाइतेहरुको धरानको वीपी कोइराला स्वास्थ्य विज्ञान प्रतिष्ठान र इटहरीस्थित अस्पतालमा पठाइएको डीएसपी शर्माले बताए ।