रुपन्देहीमा दुई ट्रक ठोक्कियो, तीन जनाको मृत्यु

बुटवल । रुपन्देहीको रोहिणी गाउँपालिका–४ सुइलिहवामा २ वटा ट्रक ठोक्किँदा तीन जनाको मृत्यु भएको छ । भैरहवा–भूमही सडकमा दुई ट्रक एक आपसमा ठोक्किएका हुन् ।  दुर्घटनामा अन्य ९ जना घाइते भएका छन् । 

मंगलबार बिहान करिब साढे ५ बजेतिर भैरहवाबाट नवलपरासीतर्फ जाँदै गरेको ना २ ख ८४८१ नम्बरको ट्रक र भैरहवातर्फ आउँदै गरेको लु १ ख ६७४५ नम्बरको ट्रक एक आपसमा ठोक्किएका थिए ।

दुर्घटनामा  नवलपरासीको पाल्ही नन्दन गाउँपालिका–४ का ३४ वर्षीय लालु कुर्मी र भविन कार्की तथा ठेगाना नखुलेका पूर्णबहादुर भुजेल मृत्यु भएको प्रहरीले जनाएको छ । 

घाइतेहरको भैरहवा मेडिकल कलेज र भीम अस्पतालमा उपचार भइरहेको छ ।