काठमाडौं । नेत्रविक्रम चन्द 'विप्लव ' समूहका साधारण सदस्य डिल्लीप्रसाद सापकोटाले जिल्ला प्रशासन कार्यालय बागलुङमा आत्मसमर्पण गर्नुभएको छ । बागलुङ नगरपालिका–४ का ४५ वर्षीय सापकोटाले आज चन्द समूह परित्याग गरी स्वतन्त्र नागरिकको हैसियतमा रहने प्रतिबद्धता जनाउनुभएको हो ।
निमित्त प्रमुख जिल्ला अधिकारी धीरेन्द्रराज पन्त, प्रहरी उपरीक्षक नवराज भट्ट, राजनीतिक दलका प्रतिनिधिलगायतको रोहबरमा सापकोटाले आत्मसमर्पण गर्नुभएको हो । सापकोटाद्वारा जारी विज्ञप्तिमा नेपालको संविधान, कानूनविपरीत हुने कुनै पनि गतिविधि नगर्ने प्रतिबद्धता गर्दै पार्टी परित्याग गरेको घोषणा गर्दछु भन्ने उल्लेख छ । राज्यविरुद्ध कसुर गरेको आरोपमा उहाँलाई गएको पुस १७ गते प्रहरीले घरबाटै पक्राउ गरेको थियो ।
आत्मसमर्पणसँगै सापकोटा रु १० हजार धरौटीमा रिहा भएको निमित्त प्रजिअ पन्तले जानकारी दिनुभयो । “प्रतिबद्धताविपरीतका गतिविधि र व्यवहार नगरेको पाइएमा उहाँले पछि सफाइ पाउनुहुन्छ”, निमित्त प्रजिअ पन्तले भन्नुभयो ।
प्रतिक्रिया दिनुहोस
रासस
बुधबार, ०८ माघ २०७६, १९ : ००
लेखकबाट थप
सम्बन्धित समाचारहरु
विप्लवले जुम्लामा सुरु गरे स्याउ खेतीको थालनी
समाजवादी मोर्चाको अध्यक्षमा विप्लव चयन
सहमति र घेराबन्दीको दोहोरो चरित्र चल्दैन : विप्लव
सरकारको दोधारे चरित्र देखियो : विप्लव
अदालतले पक्राउ पुर्जी जारी गरेपछि ‘विप्लवद्वारा सङ्घर्षका कार्यक्रम घोषणा
'विप्लव’सहितका नेतालाई पक्राउ पुर्जी जारी गर्नु गलत : प्रधानमन्त्री प्रचण्ड