नम्बर नखुलेको कारको ठक्करबाट चितवनमा एक जनाको मृत्यु

चितवन । भरतपुर महानगरपालिका-१० हाकिमचोकस्थित सडकमा बिहीबार बेलुका हाल नम्बर नखुलेको कारको ठक्करबाट एक जनाको मृत्यु भएको छ । मृत्यु हुनेमा झापा घर भई हाल चितवन भरतपुर महानगरपालिका–१० स्याउली बजार बस्ने ३० वर्षीय गोपाल तामाङ हुन् । 

दुर्घटनामा गम्भीर घाइते भएका तामाङको जिल्ला सरकारी अस्पतालमा उपचारको क्रममा मृत्यु भएको हो ।

प्रहरीले दुर्घटनामा संलग्न रहेको आशंकामा बा.१३ च ३९१ नम्बरको कारलाई नियन्त्रणमा लिएको छ । दुर्घटनाका सम्बन्धमा स्थानीय प्रहरीले आवश्यक अनुसन्धान गरिरहेको छ ।