काठमाडौं । झापाको बीएण्डसी अस्पतालका सञ्चालक दुर्गा प्रसाईंविरुद्धको मुद्दामा काठमाडौं जिल्ला अदालतले २१ दिनभित्र उपस्थित हुन म्याद जारी गरेको छ । चिकित्सा शिक्षा आयोगका उपाध्यक्ष डा श्रीकृष्ण गिरीले दायर गरेको गाली बेइज्जती सम्बन्धी मुद्दामा काठमाडौं जिल्ला अदालतले उपस्थित हुन म्याद जारी गरेको हो ।
डा गिरीले दायर गरेको मुद्दामाथिको प्रारम्भिक प्रक्रिया शुरु गर्दै काठमाडौं जिल्ला अदालतका श्रेस्तेदार आनन्द प्रसाद श्रेष्ठले प्रतिवादी प्रसाईंलाई २१ दिन भित्र आफ्नो जवाफसहित अदालतमा उपस्थित हुन आदेश जारी गरेका हुन् । प्रसाईंले आफूसँग २० करोड रुपैयाँ घुस लिएको आरोप लगाएपछि चिकित्सा आयोगका उपाध्यक्ष डा गिरीले मंगलबार काठमाडौं जिल्ला अदालतमा प्रसाईंविरुद्ध गाली बेइज्जतीको मुद्दा दायर गरेका थिए ।
डा गिरीले आफूविरुद्ध गुण्डागर्दी गरेर असुरक्षित बनाएको भन्दै जिल्ला प्रशासन कार्यालय, भक्तपुरमा पनि निवेदन दिएका थिए । निवेदनमाथि कारबाही गर्दै जिल्ला प्रशासन कार्यालय, भक्तपुरले पक्राउ गर्न अनुमति दिएको प्रहरीले जनाएको छ ।
प्रहरी भक्तपुरस्थित उनको निवासमा पुगेको थियो । तर उनी नभेटिएको प्रहरीको भनाइ छ । प्रहरीले झापास्थित प्रसाईंको घरमा पनि खोजी गरेको छ । त्यहाँ पनि उनी नभेटिएको जनाएको छ ।
अभद्र व्यवहारको कसुरमा महानगरीय प्रहरी परिसर भक्तपुरले अनुसन्धान अगाडि बढाएको व्यहोरा उल्लेख गरी निवेदन दिएपछि जिल्ला प्रशासन कार्यालय भक्तपुरले प्रसाईंविरुद्ध पक्राउ पूर्जी नै जारी गरिसकेको छ ।
प्रतिक्रिया दिनुहोस
सफल खबर संवाददाता
विहीबार, ०२ माघ २०७६, १४ : ३२
लेखकबाट थप
सम्बन्धित समाचारहरु
दुर्गा प्रसाईंले लिएको हतियारको विवरणहरू प्राप्त नभएपछि मन्त्रालय रनभुल्लमा
राज्यले १३ वर्षदेखि तड्पाइ राखेको थियो, सर्वोच्चले न्याय दियो: दुर्गा प्रसाईं
दुर्गा प्रसाईँले पाएको हतियार इजाजतबारे छानबिन गर्न गृह मन्त्रालयद्वारा समिति गठन
दुर्गा प्रसाईँका अङ्गरक्षकलाई रिहा गर्न सर्वोच्चको आदेश
दुर्गा प्रसाईँको पक्षमा सर्वोच्चको फैसला, मेडिकल कलेजलाई सम्बन्धन दिन आदेश
दुर्गा प्रसाईँको रिटमा फैसला सुनाउने सर्वोच्चको तयारी