यही घरमा जन्मिएका थिए प्रधानमन्त्री ओली

काठमाडौं । प्रधानमन्त्री केपी ओलीको गृहजिल्ला कुन हो ? सामान्य हाजिरी जवाफमा प्रश्न सोध्दा पनि सबैले भन्ने गर्छन्, – झापा । झापाको दमकमा ओलीको घर छ । यता भक्तपुर बालकोटमा पनि ।

२०७४ फागुन ३ मा प्रधानमन्त्री भएयता भने उनी प्रधानमन्त्रीको सरकारी निवास बालुवाटारमा बसिरहेका छन् । तर उनी जन्मिएको झापामा होइन, तेरथुमको अठराई इवामा ओली जन्मिएका हुन् ।

उनको जन्मघर अहिले तेरथुमको अठराई इवा पुग्ने जो कोहीका लागि पनि आन्तरिक पर्यटनका रुपमा हेर्ने मेलो बनेको छ ।

‘प्रधानमन्त्री ओली जन्मिएको घर त्यही हो नी !’ इवा पुग्ने जो कोहीले पनि उनको घर हेर्न जाने र पुग्ने गरेका छन् । त्यहाँ पुगेर कतिपयले भने फोटो समेत खिचाउने क्रम पछिल्ला दिनमा बढेको स्थानियहरु बताउँछन् ।

यहा आईपुग्नेहरु प्रधानमन्त्री जन्मिएको घर चाँही कुन हो भन्दै प्रश्न गर्छन् । त्यहाँ घरमा पुगेर हेरेपछि फोटो खिचेर जाने गर्छन्, स्थानियलाई उदधृत गर्दै त्यहाँ पुगेर फर्केकाहरु बताउँछन् ।