काठमाडौं, २४ पुस । मुलुकका विभिन्न जिल्लामा आज भएको दुर्घटनामा आठ जनाको मृत्यु भएको छ । काभ्रेपलाञ्चोक, रौतहट, सल्यान र झापामा यसरी दुर्घटना भएको हो ।
काभ्रेपलाञ्चोक, पनौती नगरपालिका ११ थुम्कीस्थित सडकमा बाटो निर्माण गर्ने क्रममा अनटेस्ट लेखिएको स्काईभेटर सडकबाट करिब ३ सय मिटर तल सलान्दु खोलामा खसेर आज दुर्घटना हुँदा स्काईभेटरमा सवार २ जनाको घटनास्थलमै मृत्यु भएको छ । मृत्यु हुनेहरुमा पनौती नगरपालिका ११ बस्ने १४ वर्र्षीय राउत केसी र सिन्धुपाल्चोक घर भई काभ्रे पनौती नगरपालिका बस्ने १५ वर्र्षीय रोशन भण्डारी रहेका छन् ।
दुर्घटनामा घाइते भएका स्काभेटर चालक २७ वर्र्षीय जीवन ताम्राकारलाई उपचारका लागि धुलिखेल अस्पतालतर्फ पठाइएको छ । यसैगरी काभ्रेपलाञ्चोक, रोशी गाउँपालिका ९ पानाञ्चेस्थित सडकमा बा ५ च ५०७४ नम्बरको बलेरो गाडी सडकबाट करिब १ सय मिटर तल खसेर दुर्घटना हुँदा बलेरो गाडीमा सवार सोही ठाउँ बस्ने कृष्ण बहादुर राना मगरको १२ वर्षीय छोरा अनिल रानामगरको मृत्यु भएको छ । दुर्घटनामा गम्भीर घाइते भएका उनको धुलिखेल अस्पतालमा उपचारको क्रममा मृत्यु भएको हो ।
दुर्घटनामा घाइते भएका अन्य २ जनाको सोही अस्पतालमा उपचार भइरहेको छ । यसैगरी काभ्रेपलाञ्चोक, नमोबुद्ध नगरपालिका २ सेल्फी डाँडास्थित बिपी राजमार्गमा सडक विभाग वल्ड वाईल्ड कन्स्ट्रक्सन प्रालि काठमाडौंको बा २ क ५ नम्बरको टिपर सडकबाट करिब २ सय ५० फिट तल खसेर आज दुर्घटना हुँदा २ जनाको घटनास्थलमै मृत्यु भएको छ । मृत्यु हुनेहरुमा टिपर चालक मकवानपुर टिस्टुङ पालुङ बस्ने २३ वर्र्षीय अश्विन विष्ट र ललितपुर चुनिखेल बस्ने २२ वर्षीय विशाल खडका रहेका छन् ।
उता रौतहट, वृन्दावन नगरपालिका ७ धमौरास्थित सडकमा ना ७ त ६१६९ नम्बरको ट्याक्टरले आज ठक्कर दिँदा पैदलयात्री देवाही गोनाही नगरपालिका ४ बस्ने ३५ वर्र्षीया मिरादेवी पटेलको मृत्यु भएको छ । ट्याक्टरको ठक्करबाट गम्भीर घाइते भएकी उनको नारायणी उपक्षेत्रीय अस्पताल वीरगंजमा उपचारको क्रममा मृत्यु भएको हो । ट्याक्टर चालकलाई प्रहरीले नियन्त्रणमा लिएको छ ।
यता सल्यान, बनगार कुपिण्डे नगरपालिका ११ बालुवासङग्रहीमा भे १ ख २५७३ नम्बरको बस सडकबाट करिब २ सय मिटर तल खसेर आज दुर्घटना हुँदा बस चालक सुर्खेत भेरी गंगा नगरपालिका १ बस्ने ३४ वर्षीय प्रकाश शर्माको मृत्यु भएको छ । दुर्घटनामा गम्भीर घाइते भएका उनको नेपालगञ्ज नर्सिङहोममा उपचारको क्रममा मृत्यु भएको हो । दुर्घटनामा घाइते भएका अन्य १४ जनाको मेहलकुना अस्पतालमा उपचार भइरहेको छ भने अन्य ३ जनाको नेपालगञ्ज नर्सिङहोममा उपचार भइरहेको छ ।
उता झापा, कमल गाउँपालिका ३ रतुवामाई सामुदायिक वनमा बुधबार मे ११ प २७५ नम्बरको मोटरसाइकलले थिचिएर ईलाम चुलाचुली गाउँपालिका २ बस्ने २१ वर्षीय अर्जुन तिवारीको मृत्यु भएको छ । दुर्घटनाका सम्बन्धमा स्थानीय प्रहरीले आवश्यक अनुसन्धान गरिरहेको छ ।
प्रतिक्रिया दिनुहोस
सफल खबर संवाददाता
विहीबार, २४ पुस २०७६, २१ : ००
लेखकबाट थप
सम्बन्धित समाचारहरु
पिकअपको ठक्करबाट ट्रक चालकको मृत्यु
माडी जाँदै गरेको बसले साइकललाई ठक्कर दिँदा एक जना गम्भीर घाइते
स्याङजामा जिप दुर्घटना हुँदा नौ जना घाइते
बसको ठक्करबाट मोटरसाइकलमा सवार २ जनाको मृत्यु
मध्यविन्दुमा मोटरसाइकल दुर्घटना, एकको मृत्यु, दुईजना घाइते
चीनमा सुरुङ मार्गभित्र बस दुर्घटना : १४ जनाको मृत्यु, ३७ घाइते