काठमाडौं । त्रिभुवन अन्तर्राष्ट्रिय विमानस्थलबाट मलद्वारमा लुकाएर ल्याइएको २ किलो सुनसहित  दुई जना भारतीय नागरिक पक्राउ परेका छन् ।

भारत महाराष्ट्रका नविन गोपी चन्द र भरत सुरेशलाल विमानस्थलबाट पक्राउ परेका हुन् । 

प्रमुख भन्सार अधिकृत विष्णुराज ढकालले मलद्वारमा लुकाएर सुन ल्याइएको अवस्थामा उनीहरुलाई पक्राउ गरिएको बताए ।

‘सुनलाई पगालेर तरल बनाएर मेटल डिटेक्टरले पनि काम नगर्ने गरी ल्याइएको रहेछ’, ढकालले भने । काठमाडौं मेडिकल कलेजमै लगेर एक्सरे गरेपछि लुकाएको सुन पत्ता लागेको थियो ।