कर नतिरी एनसेललाई फ्रिक्वेन्सी दिने तयारी

काठमाडौं । ठूला करदाता कार्यालयले निर्धारण गरेको २२ अर्ब ४४ करोड लाभकर र यससँग सम्बन्धित ब्याज तथा जरिवाना पूरै नतिरी एनसेललाई फ्रिक्वेन्सी दिने तयारी भएको छ । 

ठूला करदाता कार्यालयले निर्धारण गरेकोमध्ये ४ अर्ब ५० करोडमात्रै तिरेको एनसेलले बाँकी रकम किस्तामा तिर्ने सुविधा पाएको  छ । आजको कान्तिपुर दैनिक लेख्छ–एनसेललाई नेपाल सूरसञ्चार प्राधिकरणले फ्रिक्वेन्सी दिन गृहकार्य थालेको छ ।