पेरिस । विश्वभर सन २०१९ मा ४९ जना पत्रकारको हत्या भएको छ । ‘रिपोटर्स विथाउट वोडर्स’ ले सार्वजनिक गरेको प्रतिवेदनमा यो उल्लेख छ । प्रतिवेदन अनुसार हत्या गरिएका पत्रकारको यो सङ्ख्या १६ वर्षयताकै कम हो ।
विषेशगरी द्वन्द्वरत मुलुक यमन, सिरिया र अफगानिस्तानमा पत्रकारको हत्याका घटनामा कमी आएको देखिएको छ । पेरिसमा कार्यालय रहेको पत्रकारितासम्बन्धी अध्ययन गर्ने संस्थाले पत्रकारिता अझै पनि जोखिमपूर्ण पेशाका रुपमा रहेको जनाएको छ ।
एक वर्षमा ८० पत्रकारले जीवन गुमाउनु पछिल्लो दुई दशकको औसत सङ्ख्या भएको प्रतिवेदनमा उल्लेख छ । संस्थाका प्रमुख क्रिस्टोफ डेलोइरले मेक्सिकोमा मात्रै यो वर्ष १० जना पत्रकारको हत्या हुनुले अझै पनि चिन्ताजनक अवस्थामा रहेको पुष्टि गरेको बताए ।
ल्याटिन अमेरिकी देशमा कुल १४ पत्रकार मारिएका उनले जनाए । उनका अनुसार द्वन्द्वग्रस्त लोकतान्त्रिक शासन व्यवस्था भएका देशमा पत्रकारिता गरेकै कारण पत्रकार मारिनुले लोकतन्त्रलाई नै चुनौती थपेको छ । सन् २०१९ भरीमा ३८९ पत्रकारलाई बन्दक बनाइएको र त्यो सङ्ख्या अघिल्लो बर्षको तुलनामा १२ प्रतिशत बढी भएको पनि संस्थाले जनाएको छ ।
तीमध्ये आधाजति पत्रकार चीन, इजिप्ट र साउदी अरब गरी तीन देशमा बन्दी बनाइएका हुन् । सिरिया, यमन, इराक र युक्रेनसहित विश्वभर अहिले पनि ५७ जना पत्रकार कारागार मै रहेको पनि प्रतिवेदनमा उल्लेख छ । कान्तिपुर दैनिकमा खबर छ ।
प्रतिक्रिया दिनुहोस
पत्रपत्रिकाबाट
विहीबार, ०३ पुस २०७६, ०७ : ०३
लेखकबाट थप
सम्बन्धित समाचारहरु
नेपाल पत्रकार महासङ्घले आज ६९ औँ स्थापना दिवस मनाउँदै
प्रजातन्त्र दिवसमा पत्रकारहरूलाई निषेध गरेको भन्दै क्यामरा डाउन
पत्रकारले मर्यादित तथा उत्तरदायी भएर कलम चलाऔँ : अध्यक्ष बस्नेत
भूकम्पबाट प्रभावित पत्रकारलाई महासङ्घले राहत दिने
देशविरुद्ध लेखेको आरोपमा पाकिस्तानमा एक पत्रकार हिरासतमा
निबर्तमान मन्त्री मोदीले पत्रकार सम्मेलन गर्दै