सवारी दुर्घट्ना हुँदा चितवनमा एक जनाको मृत्यु, एक गम्भिर घाईते

चितवन । छुट्टाछुट्टै सवारी दुर्घट्नामा परी चितवनमा एक जनाको मृत्यु भएको । एक गम्भिर घाइते भएका छन । रत्ननगर नगरपालिका १० का ३५ वर्षीय सुरज पौडेलको मृत्यु भएको जिल्ला प्रहरी कार्यालय चितवनले जनाएको छ । 

ईच्छाकामना गाउँपालिका ७ भालुटारस्थित भित्री सडक खण्डमा रोकिराखेको बा ५५ प ७४१४ नम्बरको मोटरसाईकललाई भालुवाटारबाट पदमपुर तर्फ गईरहेको ना १ च ९४१२ नम्बरको डिआइ गाडीले ठक्कर दिदा उक्त गाडी अनियन्त्रीत भई नालीमा पल्टिएको थियो । आज बेलुकी ७ बजे भएको सो दुर्घट्नामा परी गम्भिर घाइते भएका सोहि गाडीमा सवार सुरजको उपचारका क्रममा राति ८ बजे पुरानो मेडिकल कलेजमा मृत्यु भएको प्रहरीले जनाएको छ । 

उक्त गाडीका चालक र दुवै सवारी साधान प्रहरीको नियन्त्रणमा रहेको प्रहरी प्रवक्ता प्रहरी नायव उपरिक्षक एक नारायण कोइरालाले बताए । दुर्घट्नास्थल अस्थायी प्रहरी चौकी पदमपुरबाट ८ किलोमिटर दुरीमा पर्छ । 

यस्तै उता रत्ननगर नगरपालिका १ भक्तेनिस्थित भित्री सडक खण्डमा मोटरसाईकल दुर्घट्ना हुँदा चालक गम्भिर घाइते भएका छन । चित्रसारीबाट सौराह तर्फ गइरहेको ना ६ प ३९४५ नम्बरको मोटरसाईकलले साइकललाई ठक्कर दिदा अनियन्त्रीत भई विपरित दिशाबाट गइरहेको अनटेष्ट मोटरसाइकलमा ठोकिदा ना ६ प ३९४५ नम्बरको मोटरसाइकल चालक गम्भिर घाइते भएका हुन । 
३२ वर्षीय ति चालकको परिचय खुल्न भने बाँकी रहेको प्रहरीले जनाएको छ । अनटेष्ट मोटरसाईकल चालकलाई प्रहरीले नियन्त्रणमा लिएको छ ।