सखुवा प्रसौनीमा ८२ दशमलव ६१ प्रतिशत मत खस्यो

रासस

शनिबार, १४ मंसिर २०७६, १८ : ५४
सखुवा प्रसौनीमा ८२ दशमलव ६१ प्रतिशत मत खस्यो

वीरगञ्ज । पर्साको सखुवा प्रसौनी गाउँपालिका–५ मा आज भएको वडाध्यक्षको उपनिर्वाचनमा ८२ दशमलव ६१ प्रतिशत मत खसेको छ । 

कूल दुई हजार ६०२ मतदाता रहेको सो क्षेत्रमा दुई हजार १२८ जनाले मतदान गरेको पर्सा प्रमुख जिल्ला अधिकारी नारायणप्रसाद भट्टराईले बताउनुभयो । 

एक हजार २११ पुरुष तथा ९१७ महिलाले मतदान गर्नुभएको थियो । आज बेलका ९ बजेबाट नै मतगणना शुरु गरिने उहाँले जानकारी दिनुभयो । (रासस)