Safal Khabar - चिनियाँ राष्ट्रपतिको जश लिन नेकपामा हानाथाप, सोल्टीमा प्रधानमन्त्रीका सल्लाहकारले किन देखाए बालहठ
शुक्रबार, २९ कार्तिक २०७६ (Friday, 15 November, 2019)
चिनियाँ राष्ट्रपतिको जश लिन नेकपामा हानाथाप, सोल्टीमा प्रधानमन्त्रीका सल्लाहकारले किन देखाए बालहठ
आइतबार, ०३ कार्तिक २०७६, १६ : ०२
चिनियाँ राष्ट्रपतिको जश लिन नेकपामा हानाथाप, सोल्टीमा प्रधानमन्त्रीका सल्लाहकारले किन देखाए बालहठ

काठमाडौं । चिनका राष्ट्रपति सि जिन पिङले नेपाल भ्रमण सम्पन्न गरेर फर्किएका छन् । तर नेपालमा भने सिको भ्रमणपछि त्यसबाट जश लिने र अरुभन्दा आफू माथि मैले धेरै स्वागत गरेको, चाकडी गरेको तथा मेरो भूमिका बढी रहेको, अरुले केही पनि नगरेको भन्दै नेकपाभित्र हाना थाप नै शुरु भएको छ । आफूलाई असाध्यै सभ्य र पूर्व माओवादी असभ्य भएको बताउने रक्षामन्त्री समेत रहेका इश्वर पोखरेलले एक सावर्जनिक कार्यक्रममा नै चिनियाँ राष्ट्रपतिको गलत नाम लिएर जग हँसाएका छन् । उनले पटक पटक गलत नाम उच्चारण गरेर सार्वजनिक कार्यक्रममा आफ्नो बाँकी रहेको कद नै घटाउने काम गरेका छन् । 

चिनियाँ राष्ट्रपतिलाई मेरो मन्त्रालयले बढी स्वागत गरेको भन्दै उनले आफू नै सर्वशक्तिमान भएको भ्रम पालेर बसेका छन् । चिनियाँ राष्ट्रपति नेपाल आउनुका पछाडि तत्कालीन नेकपा (माओवादी केन्द्र)का अध्यक्ष एवम् हाल नेकपाका अध्यक्ष प्रचण्डको विशेष हात रहेको छ । यस्तै वर्तमान सरकार र प्रधानमन्त्रीको जोड बल पनि उत्तिकै महत्वपूर्ण छ । सधैं भारतीय स्वार्थमा हिँडेका इश्वर पोखरेललाई आए आप गए झटारो भन्दा अरु केही पनि थिएन । तर उनले आफूले नै सबै गरेको भन्दै पानीमाथिको ओभानो बन्न छाडेका छैनन् । उनले आफू मातहतको नेपाली सेनाले नै सबै काम गरेको भन्दै हल्ला गरेर बसेका छन् । जसलाई राष्ट्रपतिको नाम नै राम्रोसँग थाहा छैन, उसले आफूले नै सबै गरे, अरु केही होइनन् भन्दै गलत प्रचार गराएको र तथ्यलाई बंग्याउने काम गरेको पाइएको छ ।
 
त्यसो त रक्षामन्त्री समेत रहेका पोखरेलले आफ्नो मर्यादा भूलेर प्रधानमन्त्रीभन्दा पनि अगाडि गएर चिनियाँ राष्ट्रपतिलाई म इश्वर पोखरेल, उपप्रधानमन्त्री समेत भन्न भ्याएका थिए । उनले आफ्नो हैसियत समेत भूलेर व्यवहार देखाएको भन्दै उनलाई कारवाही गर्नुपर्ने माग समेत उठेको छ । राष्ट्रपतिको स्वागतमा पुगेका परराष्ट्रमन्त्री प्रदीपकुमार ज्ञवालीले समेत पोखरेलको कार्यशैली गलत रहेको भन्दै अमिलो मुख बनाएका थिए । राष्ट्रपति, उपराष्ट्रपति, प्रधानमन्त्रीलगायतका उच्च पदस्थ व्यक्ति नै स्वागतमा गएको बेला उपप्रधानमन्त्रीको हैसियत भएका पोखरेलले विमानस्थलमा देखाएको व्यवहारले नेपाली समुदायलाई नै लज्जित तुल्याएको छ ।
 
त्यसो त सरकार नै लागेर चिनियाँ राष्ट्रपतिको स्वागत गरेको थियो । तर परराष्ट्रमन्त्री ज्ञवालीले भने आफ्नो कुटनीतिक क्षमता र चार्तुयताका कारण भ्रमण भएको भन्दै गफ दिएको जानकारहरु बताउँछन् । विगतको विरासत र इतिहास भूलेर दुईपक्षीय बैठकमा पूर्वमाओवादीलाई बाइककट गर्ने प्रयास समेत गरिएको थियो । दुईपक्षीय बैठकमा गृहमन्त्री रामबहादुर थापालाई लोकलाजका लागि मात्रै सहभागी गराइएको थियो । यस्तै ऊर्जा, जलस्रोत तथा सिँचाइ मन्त्री वर्षमान पुनलाई समेत सहभागी नगराउने तयारी गरिएको थियो । प्रधानमन्त्रीको प्रमुख सल्लाहकार भन्दै विष्णु रिमाल र राजन भट्टराईले पूर्वमाओवादीका मन्त्रीलाई सहभागी नगराउन प्रधानमन्त्रीलाई दबाव दिएको बालुवाटार स्रोत बताउँछ । तर उनीहरुको दबावलाई प्रधानमन्त्रीले अस्वीकार गरिदिएका थिए । त्यसो त विष्णु रिमाल र राजन भट्टराईले मर्यादा भूलेर चिनियाँ राष्ट्रपतिसँग सेल्फी खिच्न बालहठ गरेको प्रधानमन्त्रीका एक सहयोगीले बताए ।

प्रतिक्रिया दिनुहोस