फेवातालमा २० रोपनी जग्गा गृहमन्त्रीको नाममा रहेको खबरले नमज्जा लाग्यो : हर्क साम्पाङ

काठमाडौँ । श्रम संस्कृति पार्टीका अध्यक्ष हर्क साम्पाङले गृहमन्त्री सुधन गुरूङलाई फेवातालको २० रोपनी जग्गाबारे प्रष्ट पार्न सुझाव दिएका छन् ।

फेवातालको २० रोपनी जग्गामा नाम मुछिएपछि उनले फेसबुकमार्फत् गृहमन्त्री गुरूङलाई जग्गाबारे प्रष्ट पार्न सुझाव दिएका हुन् ।

उनले फेसबुकमा लेखेका छन्, ‘खास कुरा के हो पत्रकार सम्मेलन राखिहाल्नुस् । नैतिकताको सवाल खडा भयो । अब यो सवालको जवाफ नदिने हो भने जनताले कुरा काट्छन् र विश्वास गर्दैनन् । तपाईंलाई मान्दैनन् । प्रहरीले पनि टेर्न छाड्छन् ।’

काम गर्ने मान्छेको खुट्टा तातिने र काम गर्ने क्रममा अपजस पाइने स्मरण गर्दै उनले पोखराको फेवातालमा २० रोपनी जग्गा गृहमन्त्रीको नाममा रहेको खबरले सामाजिक सञ्जाल तात्दा नमज्जा लागेको बताएका छन् ।