Safal Khabar - बैंकका अध्यक्षहरु मिलेर खोले ‘बैंक तथा वित्तीय संस्था परिसंघ नेपाल’ नामक नयाँ संस्था
शुक्रबार, ०६ मङि्सर २०७६ (Friday, 22 November, 2019)
बैंकका अध्यक्षहरु मिलेर खोले ‘बैंक तथा वित्तीय संस्था परिसंघ नेपाल’ नामक नयाँ संस्था
बिहिबार, २३ असोज २०७६, १६ : ४३
बैंकका अध्यक्षहरु मिलेर खोले ‘बैंक तथा वित्तीय संस्था परिसंघ नेपाल’ नामक नयाँ संस्था

काठमाडौं । बैंकका अध्यक्षहरु मिलेर ‘बैंक तथा वित्तीय संस्था परिसंघ नेपाल’ नामक नयाँ संस्था गठन गरेका छन् । 

प्रमुख कार्यकारी अधिकृत (सीइओ)हरुको संस्था बैंकर्स संघको लविङले मात्रै पार नलागेको निष्कर्श निकाल्दै अध्यक्षहरु पनि संगठित भएका हुन् ।

एनएमबि बैंकका अध्यक्ष पवन गोल्यान परिसंघको अध्यक्ष छन् । त्यसैगरी, उपाध्यक्षमा मेगा बैंकका भोजबहादुर शाह, महासचिवमा जनता बैंकका केशब रायमाझी, कोषाध्यक्षमा एनआइसी एशियाका तुलसीराम अग्रवाल छन् ।

Yeti Diistillery
nic asia

सदस्यहरुमा ग्लोबल आइएमइका चन्द्र ढकाल, प्रभु बैंकका देवीप्रकार भट्टचन, इन्भेष्टमेन्ट बैंकका पृथ्वीबहादुर पाँडे, माछापुच्छ्रे बैंकका बिरेन्द्र महतो, सानिमा बैंकका बिनयकुमार श्रेष्ठ, सिद्दार्थ बैंकका मनोज केडिया र हिमालयन बैंकका मनोजबहादुर श्रेष्ठ रहेका छन् ।

समग्र वित्तीय क्षेत्रको विकास र विस्तारका लागि परिसंघले पोलिसी इन्टरभेन्सन, लबिङ र रिसर्चका कामहरु गर्ने परिसंघका अध्यक्ष गोल्यानले जानकारी दिए ।

अध्यक्ष गोल्यानले भने ‘सीइओहरुको संगठन बैंकर्स संघले राष्ट्र बैंकमा मात्रै लबिङ गर्न सक्छ, अध्यक्षहरुको संगठनले मन्त्री र प्रधानमन्त्रीसमक्ष पोलिसि लबिङ गर्न सक्छ ।’ बैंकिङ क्षेत्रका लगानीकर्ताहरुको हकहितका लागि पोलिसि लबिङ गर्ने उद्देश्यले आफूहरु संगठित हुनु परेको उनले बताए ।

प्रतिक्रिया दिनुहोस