चिनियाँ कम्युनिष्ट पार्टीसँग नेकपाको १२ घण्टे विचार गोष्ठि

काठमाडौं । नेपाल र चीनको कम्युनिष्ट पार्टीको संयुक्त आयोजनामा आज देखि काठमाडौंमा दुई दिने नेपाल–चाइना फ्रेन्डसिप सिम्फोजियम कार्यक्रम आयोजना हुदैछ ।

दुवै देशका कम्युनिष्ट पार्टीका स्कुल, विदेश र संगठन विभागको संयुक्त आयोजना अन्र्तक्रिया कार्यक्रम आयोजना हुन लागेको हो ।

राजधानीको याक एण्ड यति होटेलमा साँझ ५ वजे प्रधानमन्त्री तथा नेकपाका अध्यक्ष केपी ओलीले कार्यक्रमको उद्घाटन गर्नेछन् । अर्का अध्यक्ष प्रचण्डले नेपालको कम्युनिष्ट पार्टी र यसको एकता प्रक्रियासँग सम्वन्धित रहेर आफनो मन्तब्य दिनेछन् । कार्यक्रममा चिनियाँ कम्युनिष्ट पार्टीका नेता तथा विदेश विभाग प्रमुख सङ ताओले पनि विशेष मन्तब्य दिनेछन् । ताओ कार्यक्रममा प्रमुख वक्ताका रुपमा रहनेछन् ।

नेकपाका केन्द्रीय सदस्य तथा विदेश विभाग उपप्रमुख विष्णु रिजालले ताओ आज मध्यान्ह साढे १२ वजे काठमाडौं आईपुग्ने वताए । उनी नेकपाका वरिष्ठ नेता तथा विदेश विभाग प्रमुख माधव नेपालको निमन्त्रणामा काठमाडौं आउन लागेका हुन् ।

उनीसँग नेपालको कम्युनिष्ट पार्टीको विदेश विभागले भोलि दरवारमार्गस्थित  होटल मेरियटमा दुई पार्टीका वीचको भाइचारा सम्वन्ध विचारका लागि समझदारी समेत हुदैछ ।

दुई पार्टी वीचको भातृत्वको सम्वन्धलाई औपचारिकता दिनका लागि एमओई हुन लागेको हो ।

त्यसमा ताओ र नेता नेपालले हस्ताक्षर गर्ने कार्यक्रम वनेको छ ।

अन्र्तक्रियामा सहभागी हुन चिनिया कक्युनिष्ट पार्टीका तीन ओटै विभागका गरी १०, १० जनाका दरले ३० जना र अन्य थप केही गरी ४० जनाको सहभागिता रहने छ । राष्टपति सि जिनफिङ को नेपाल भ्रमणको पूर्वसन्ध्यामा हुन लागेको कार्यक्रमलाई निक्कै महत्वका साथ हेरिएको पनि छ ।

आजको कार्यक्रममा नेकपाका स्क्ुल विभाग प्रमुख इश्वर पोखरेलले अध्इक्षता गर्ने छन भने उपप्रमुख देवेन्द्र पौडेलले सञ्चालन गर्नेछन् । आजै कार्यक्रममा चिनियाँ पक्षवाट कम्प्लिटिङ द विल्डिङ अफ कम्फर्टेवल सोसाइटी नामका कार्यपत्र प्रस्तुत गर्नेछन् ।

चिनियाँ पक्षवाट दुई दिन सम्म चल्ने यो कार्यक्रममा ४ ओटा कार्यपत्र प्रस्तुत गर्ने वताईएको छ ।

चिनियाँ पक्षले खासगरी, समाज निर्माण, सुधार,पार्टी अनुशासन र विआरआईवारे कार्यपत्र प्रस्तुत गर्ने तयारी छ ।

आयोजकहरुले दिएको जानकारीअ नुसार आजको कार्यक्रम साझ ५ वजे उदघाटन भएर वेलुकी ९ वजेसम्म चल्नेछ । त्यसपछि सहभागीलाई सात्री भोजको त्यही होटलमा ब्यवस्थापन हुनेछ ।

त्यसपछि भोलि विहान १० वजेवाट दोश्रो दिनको सत्र शुरु हुनेछ । भोलिको कार्यक्रम विहान १० वजेवाट ८ घण्टा चल्नेछ । शनिवारको सचिवालय वैठकले यो कार्यक्रम सफल वनाउन पार्टी सम्पूर्ण रुपले लाग्ने निर्णय गरेको थियो ।