अर्थमन्त्रीले सार्वजनिक गरेका सूचकांकले नकारात्मक आर्थिक भाष्यलाई चुनौती दिएको काँग्रेसको दाबी

काठमाडौँ । नेपाली काँग्रेसका प्रवक्ता देवराज चालिसेले अर्थमन्त्री डा. स्वर्णिम वाग्लेले सार्वजनिक गरेको देशको आर्थिक अवस्थासम्बन्धी विवरणले नेपालमा प्रगति नभएको भन्ने धारणा तथ्यगत रूपमा कमजोर बनाएको बताएका छन्।

अर्थमन्त्रीद्वारा सार्वजनिक पछिल्लो आर्थिक स्थिति सम्बन्धी विवरणमा समेटिएका तथ्यांकहरूले विगत दशकमा विभिन्न क्षेत्रमा उल्लेखनीय सुधार देखाएको चालिसेको दाबी छ। उनका अनुसार, देशको अवस्था अव्यवस्थित रहेको भनिएको अवधिमै पनि आर्थिक तथा सामाजिक सूचकांकहरूमा प्रगति देखिएको छ।

चालिसेले उल्लेख गरेका प्रमुख तथ्यांक अनुसार आर्थिक वर्ष २०७२-७३ मा २६ खर्ब ८ अर्ब रुपैयाँ रहेको कुल गार्हस्थ्य उत्पादन (जीडीपी) आर्थिक वर्ष २०८१-८२ सम्म आइपुग्दा ६१ खर्ब ७ अर्ब रुपैयाँ पुगेको छ। यसै अवधिमा आर्थिक वृद्धिदर ०.४३ प्रतिशतबाट बढेर ४.६१ प्रतिशत पुगेको जनाइएको छ।