Safal Khabar - सुष्मा गोदावरी कलेज र दिल्ली पब्लिक स्कूलमा मध्यराति बम बिष्फोट
मङ्गलबार, ०७ असोज २०७६ (Tuesday, 24 September, 2019)
सुष्मा गोदावरी कलेज र दिल्ली पब्लिक स्कूलमा मध्यराति बम बिष्फोट
शुक्रबार, २० भदौ २०७६, १२ : १३
सुष्मा गोदावरी कलेज र दिल्ली पब्लिक स्कूलमा मध्यराति बम बिष्फोट

इनरुवा । नेत्रविक्रम चन्द ‘विप्लव’ नेतृत्वको समूहले सुनसरीका दुई शैक्षिक संस्थामा बम बिष्फोट गराएका छन् । 

सुनसरीको इटहरी उपमहानगरपालिकास्थित सुष्मा गोदावरी कलेज र धरान उपमहानगरपालिकास्थित दिल्ली पब्लिक स्कूलमा बिहीबार मध्यराति विप्लव समूहले बम बिष्फोट गराएको जिल्ला प्रहरी कार्यालय सुनसरीका प्रहरी नायब उपरीक्षक विनोद शर्माले बताउनुभयो ।
 
सुष्मा गोदावरी कलेजको गेटमा र दिल्ली पब्लिक स्कूलको बाहिरको भागमा बिष्फोट गराएको प्रहरीले जनाएको छ । बम बिष्फोट गराएर स्थानीयवासीमा डर, त्रासको अवस्था सिर्जना गर्ने र चन्दा आतङ्क मच्चाउने योजनाको साथ शैक्षिक संस्थामा बिष्फोट गराएको हुन सक्ने सुनसरीका प्रहरी नायब उपरीक्षक शर्माले बताउनुभयो ।
 
केही दिन अगाडि सुनसरीको इटहरीबाट विप्लव समूहका लागि चन्दा उठाउने नाइके पक्राउ परेपछि उनीहरुले नै बिष्फोट गराएको प्रहरी नायब उपरीक्षक शर्माको भनाइ छ । घटनाको विषयमा अनुसन्धान भइरहेको र बम बिष्फोट गराउने विप्लव समूहका कार्यकर्ताको खोजी भइरहेको पनि उहाँले बताउनुभयो । बिष्फोटबाट समान्य क्षति भएको प्रहरीले जनाएको छ ।

nic asia
Yeti Diistillery

प्रतिक्रिया दिनुहोस