Safal Khabar - चीनका विदेशमन्त्री भदौं २९ मा नेपाल आउदै
मङ्गलबार, ०७ असोज २०७६ (Tuesday, 24 September, 2019)
चीनका विदेशमन्त्री भदौं २९ मा नेपाल आउदै
चिनियाँ राष्ट्रपति सि जिनफिङको नेपाल भ्रमणको तयारी हुने
आइतबार, ०८ भदौ २०७६, ०८ : ५०
चीनका विदेशमन्त्री भदौं २९ मा नेपाल आउदै

काठमाडौं । चिनियाँ राष्ट्रपतिको नेपाल भ्रमण होला त ? नेपालमा चलेको यो बहस निक्कै पूरानो भईसक्यो । नेपालमा बनेको सरकारैपिच्छे यो बहस निक्कै ठूलो बहसका रुपमा आउँछ । तर राष्ट्रपतिको नेपाल भ्रमण अहिलेसम्म हुन सकेको छैन ।

गत प्रतिनिधीसभा चुनाव अगाडीसम्म नेपालमा अस्थिर सरकार बन्थे । ९/९ महिनामा सरकार फेरिन्थे । सबैजसो सरकारले चिनियाँ राष्ट्रपति सि जिनफिङको नेपाल भ्रमण आफ्नै कार्यकालयमा हुने बताए पनि । तर अहिलेसम्म त्यस्तो भ्रमणको अवसर जुरेको छैन ।

अहिले नेपाल कम्युनिष्ट पार्टी (नेकपा)को झण्डै दुई तिहाईको ५ वर्षका लागि स्थायी सरकार छ । यो सरकार बनेदेखि पनि सि जिनफिङको नेपाल भ्रमण हुने चर्चा लिइरहेको छ ।

nic asia
Yeti Diistillery

तर चिनियाँ पक्षले अहिलेसम्म राष्ट्रपतिको भ्रमणका विषयमा औपचारिक रुपमा मुख खोलेको छैन । आउने तयारी भईरहेको मात्र बताउँछ , तर यस बारेमा चिनियाँ सरकारले एक शब्द पनि मुख खोलेको अवस्था भने छैन । तर अहिले फेरि राष्ट्रपतिको भ्रमणको विषय चर्चामा आउन थालेको छ ।

भदौं २९ मा नेपाल भ्रमणमा चिनियाँ विदेशमन्त्री वाङ यी आउन लागेको उच्च चिनियाँ स्रोतले बताएको छ । राष्ट्रपति भ्रमणको पूर्व तयारीका लागि वाङ नेपाल आउन लागेको वताईएको छ ।

राष्ट्रपति जिनफिङ आगामी २५ र २६ असोज(अक्टोवर १२ र १३) मा नेपाल आउन सक्ने बताईएको छ । त्यसैको पूर्व तयारीका लागि दुईवषिय सम्बन्ध विस्तार र तयारी बैठक हुन लागेको नेपाल पक्षको भनाई छ ।

तर अझै राष्ट्रपतिको भ्रमणको वारेमा भने कुनै ठोस मिति तय भईसकेको छैन ।

‘आन्तरिक तयारी तिव्र छ, उतावाट कुनै ठोस मितिको प्रस्ताव आएको छैन, ’ परराष्ट मन्त्रालयका एक कर्मचारीले सफल खबरसँग भने –‘आज भोलि पनि कुनै चिनियाँ उच्चस्तरीय टोली नेपाल आउने तयारी भईरहेको छ ।’

२९ भदौंमा विदेशमन्त्रीको हुने नेपाल भ्रमण वाट चिनियाँ राष्ट्रपतिको भ्रमणका विषयमा धेरै कुरा थाहा लाग्ने पनि परराष्ट स्रोतको भनाई छ । 

प्रतिक्रिया दिनुहोस