काठमाडौं । सुनसरीको गढी गाउँपालिका–१, मदेली झण्डा चोकबाट चाइनिज पेस्तोल र गोलीसहित दुईजना पक्राउ परेका छन् ।
पक्राउ पर्नेमा मोरङको विराटनगर महानगरपालिका–१७, रानीबस्ती बस्ने अन्दाजी ५१ वर्षीय नुर महोमद र विराटनगर महानगरपालिका–८, अशोक चोक बस्ने ३२ वर्षीय इम्रान खान छन् । उनीहरूलाई प्रहरीले बुधबार बिहान पक्राउ गरेको हो ।
अस्थायी प्रहरी चौकी चाँदबेलाबाट गस्तीमा खटिएको प्रहरी टोलीले शंकास्पद अवस्थामा पैदल हिँडिरहेका उनीहरूमाथि शंका लागेपछि प्रहरीले चेकजाँच गरेको थियो ।
चेकजाँचका क्रममा नुरको साथबाट एक थान चाइनिज पेस्तोल र त्यसमा लोड गरिएको तीन राउन्ड गोली बरामद गरिएको प्रहरीले जनाएको छ । प्रहरीका अनुसार, दुवैजनामाथि अनुसन्धान भइरहेको छ ।
_20260612134109.jpg)
प्रतिक्रिया दिनुहोस
सफल खबर संवाददाता
बुधबार, २४ असार २०८३, ०९ : ५७
लेखकबाट थप
सम्बन्धित समाचारहरु
दुई थान घरेलु पेस्तोलसहित एक नेपाली भारतबाट पक्राउ
ललितपुरबाट पेस्तोलसहित ३ जना पक्राउ
कटुवा पेस्तोलसहित एक युवक पक्राउ
सिभिल मलबाट ६ थान नक्कली पेस्तोल बरामद
भारतीय नागरिक पेस्तोलसहित पक्राउ