प्रधानमन्त्री बालेन, रवि र स्वर्णिमबीच भेटवार्ता

काठमाडौँ । आगामी आर्थिक वर्षको बजेट तथा नीति-कार्यक्रम तयारीसँग सम्बन्धित विषयमा उच्चस्तरीय छलफल भइरहेको छ।

प्रधानमन्त्री वालेन्द्र शाह, राष्ट्रिय स्वतन्त्र पार्टीका सभापति रवि लामिछाने तथा अर्थमन्त्री डा. स्वर्णिम वाग्लेबीच सिंहदरबारस्थित प्रधानमन्त्री तथा मन्त्रिपरिषद् कार्यालयमा बैठक जारी रहेको जनाइएको छ।

स्रोतका अनुसार आगामी आर्थिक वर्षको बजेट, नीति तथा कार्यक्रमसँग सम्बन्धित विषयहरूलाई केन्द्रमा राखेर छलफल भइरहेको हो। आर्थिक प्राथमिकता, सरकारी कार्यक्रमको रूपरेखा तथा समसामयिक राजनीतिक-आर्थिक एजेन्डाबारे समेत परामर्श केन्द्रित रहेको बुझिएको छ।