‘अख्तियारलाई ५ घण्टामात्रै होइन, आवश्यक परे ५ वर्ष राखेर सल्लाह गरिन्छ’ : प्रधानमन्त्री बालेन

चितवन । प्रधानमन्त्री वालेन्द्र शाह (बालेन) ले सरकारी सम्पत्तिको दोहन र विगतमा भएका अनियमितताबारे खोजबिन गर्न आवश्यक परे अख्तियार दुरुपयोग अनुसन्धान आयोगसँग पाँच घण्टा मात्र होइन, पाँच वर्षसम्म पनि सल्लाह र छलफल गर्न सकिने बताएका छन्।

आइतबार राष्ट्रिय स्वतन्त्र पार्टी (रास्वपा) को प्रथम महाधिवेशनलाई सम्बोधन गर्दै प्रधानमन्त्री शाहले विगतका फट्याइँ र सरकारी सम्पत्तिको दुरुपयोगका विषयमा अनुसन्धान तथा परामर्श आवश्यक रहेको बताएका हुन्।

केही दिनअघि अख्तियारका प्रमुखसहित पदाधिकारीहरूलाई प्रधानमन्त्री तथा मन्त्रिपरिषद्को कार्यालयमा बोलाएर लामो समय छलफल गरिएको विषयलाई संकेत गर्दै उनले आवश्यक परे आयोगसँग लामो समयसम्म पनि परामर्श गर्न सरकार तयार रहेको बताए।