सशस्त्र प्रहरीका तीन डिएसपी एसपी पदमा बढुवा सिफारिस

काठमाडौँ ।सशस्त्र प्रहरी बल नेपाल अन्तर्गत प्राविधिक समूह, सञ्चार तथा इन्जिनियरिङतर्फका तीन जना प्राविधिक सशस्त्र प्रहरी नायब उपरीक्षक (डिएसपी) लाई प्राविधिक सशस्त्र प्रहरी उपरीक्षक (एसपी) पदमा बढुवा गर्न सिफारिस गरिएको छ ।

बढुवा समितिले २०८३ जेठ ६ गते गरेको निर्णयअनुसार रिक्त रहेको तीन पदमा बढुवा सिफारिस गरिएको हो । सशस्त्र प्रहरी नियमावली, २०७२ को नियम ३९ उपनियम (१) को (ग) बमोजिम बढुवा प्रक्रिया अघि बढाइएको जनाइएको छ ।

सिफारिस सूचीअनुसार ई. सौरभ राज वन्त, ई. ज्ञानेन्द्र राजभण्डारी र ई. अजित मास्के बढुवाका लागि छनोट भएका छन् । समितिले उनीहरूको ज्येष्ठता क्रमसमेत निर्धारण गरेको छ ।

बढुवा समितिका सदस्य–सचिव तथा सशस्त्र प्रहरी नायब महानिरीक्षक दीपक अधिकारीद्वारा जारी सूचनामा बढुवा सिफारिसप्रति असहमति भए सम्बन्धित अधिकृतहरूले सात दिनभित्र बढुवा उपरको उजुरी सुन्ने समितिमा निवेदन दिन सक्ने व्यवस्था रहेको उल्लेख गरिएको छ ।