‘निजी क्षेत्रलाई कमजोर बनाउने उद्देश्य छैन’ : रवि लामिछाने

काठमाडौँ । राष्ट्रिय स्वतन्त्र पार्टी (रास्वपा) का सभापति रवि लामिछानेले उद्योगी तथा व्यवसायीलाई अनावश्यक आशंका नराख्न आग्रह गर्दै सरकारको उद्देश्य निजी क्षेत्रलाई धराशायी बनाउने नभई नीतिगत सुधारमार्फत अर्थतन्त्र सुदृढ बनाउने रहेको बताएका छन्।

आइतबार निजी क्षेत्रका प्रतिनिधिसँग भएको भेटवार्तामा उनले सुशासन, आर्थिक अनुशासन र पारदर्शितालाई प्राथमिकतामा राखेर सरकार अघि बढिरहेको उल्लेख गरे। यस अभियानमा निजी क्षेत्रको सहकार्य आवश्यक रहेको उनको भनाइ थियो।

लामिछानेका अनुसार सरकार उद्योगी व्यवसायीसँग सहकार्यकै आधारमा अघि बढ्न चाहन्छ। तर आर्थिक प्रणालीलाई कमजोर बनाउने, अपारदर्शी वा अवैध प्रकृतिका गतिविधिमा राज्यले प्रभावकारी निगरानी र आवश्यक कारबाही गर्ने नीति अपनाउने बताए।