लागुऔषध गाँजासहित दुईजना पक्राउ

धादिङ । धादिङ प्रहरीले लागुऔष गाँजा र अफिमसहित दुईजनालाई पक्राउ गरेको छ ।

पृथ्वीराजमार्गअन्तर्गत गजुरी गाउँपालिका–१, गजुरीबजारबाट बा ५ ख ७५३७ नम्बरको गाडीबाट २६८ किलो ४०० ग्राम गाँजा र २०० ग्राम अफिमसहित दुईजनालाई पक्राउ गरेको हो । 

पक्राउ पर्नेमा गाडी चालक धादिङको नीलकण्ठ नगरपालिका–८ बस्ने २२ वर्षीय अमर विक र सिद्धलेक गाउँपालिका–५ का होमबहादुर विक छन् । 

प्रहरीले राजमार्ग क्षेत्रमा लागुऔषध गाँजा ओसारपसार भइरहेको छ भन्ने सूचनाको आधारमा चेकजाँच गर्ने क्रममा गाडीको पछाडि ढालामा कालो त्रिपालले छोपेको अवस्थामा बोराभित्र रहेको गाँजा र अफिम फेला पारेको हो ।