संघीय संसद्को संयुक्त बैठकमा सम्बोधनका लागि राष्ट्रपति उपस्थित

काठमाडौँ । राष्ट्रपति रामचन्द्र पौडेल संघीय संसद्को संयुक्त बैठकलाई सम्बोधन गर्न संसद् भवन पुगेका छन्।

सिंहदरबारस्थित प्रतिनिधि सभाको बैठक कक्षमा निर्धारित कार्यक्रमअनुसार उनले केही समयपछि सम्बोधन गर्ने कार्यतालिका रहेको छ। सोही प्रयोजनका लागि राष्ट्रपति संसद् परिसरमा उपस्थित भएका हुन्।

आज राति १२ बजेदेखि चालु अधिवेशन अन्त्य हुने तय भइसकेको सन्दर्भमा राष्ट्रपतिले त्यसअघि संयुक्त बैठकलाई सम्बोधन गर्न लागेका हुन्। यसअघि चैत २४ गते बसेको मन्त्रिपरिषद्को सिफारिसका आधारमा अधिवेशन अन्त्य गर्ने निर्णयसमेत भइसकेको छ।