मित्र देशका लागि हर्मुज जलमार्ग खुला छ: इरान

काठमाडौँ । इरानले आफ्ना मित्र देशका लागि हर्मुज जलघाँटीको बाटो खुला गरिएको प्रष्ट पारेको छ ।

इरानी विदेश मन्त्री अब्बास अरागचीले चीन, रुस, भारत, पाकिस्तान र इराक जस्ता मित्र देशका लागि हर्मुज जलमार्गबाट तेलका जहाजहरू आवागमन गर्न दिइएको बताएका हुन् ।

मुम्बइस्थित इरानी कन्सुलेटले विदेश मन्त्रीको बयान जारी गर्दै अमेरिका र उसका सहयोगीहरूलाई भने हर्मुज बन्द रहेको र जबरजस्ती गरिए बमले उडाउने धम्की समेत इरानले दिएको छ ।

हर्मुज जलघाँटी विश्वभर तेल र ग्यास आपूर्तिका लागि रणनीतिक मार्ग मानिन्छ जुन इरानको तटीय क्षेत्र हुँदै अघि बढ्छ । इजरायल र अमेरिकी आक्रमणपछि इरानले यो मार्ग बन्द गरेको छ भने यहाँबाट अघि बढ्ने कतिपय जहाजमाथि हमला समेत भएको छ ।

अमेरिकाले हर्मुज खुलाउन अनेक प्रयास गरे पनि नसकेपछि धम्कीको साटो युद्ध विराम र वार्ताको प्रस्ताव राखेको छ ।