रवि लामिछानेको अभियोग पत्र संशोधन गर्ने निर्णयविरुद्धको रिट आज पनि हेर्दाहेर्दैमा

काठमाडौँ । रास्वपाका सभापति रवि लामिछानेसहितको सम्पत्ति शुद्धीकरण र संगठित अपराधसम्बन्धी अभियोग पत्र संशोधन गर्ने महान्यायाधिवक्ता सविता भण्डारीको निर्णयविरुद्धको रिटमा सर्वोच्च अदालतले सुनुवाइ सुरु गरेको छ।

पहिलो दिन रिट निवेदनका तर्फबाट दुई जना वरिष्ठ अधिवक्ताले बहस गरेका छन् । रिट निवेदकका तर्फबाट दिनेश त्रिपाठी र सुरेन्द्र भण्डारीले बहस गरेका छन् ।

न्यायाधीशद्धय विनोद शर्मा र अब्दुल अजिज मुसलमानको इजलासमा पेसी रहेको मुद्दा करिब ३ बजेमात्र बहस सुरु भएको थियो । सुरुमा फाइल अध्ययन गर्ने भन्दै न्यायाधीशहरूले समय माग गरेका थिए । त्यसपछि रिट निवेदकहरूका तर्फबाट बहस सुरु भएको हो । सोमबार सुरु भएको बहस रिट निवेदनका तर्फबाट २ जनाले मात्र समय पाएपछि हेर्दाहेर्दैमा राखिएको हो।