जेन जि मुभमेन्ट अलाएन्सले दियो प्रधानमन्त्री कार्कीलाई धन्यवाद

काठमाडौँ । जेन जि मुभमेन्ट अलाएन्सले प्रतिनिधि सभा निर्वाचन सम्पन्न गराएकोमा प्रधानमन्त्री सुशिला कार्कीलाई धन्यवाद दिँदै जेन जि आन्दोलनसँग सम्बन्धित घटनाबारे गठित कार्की आयोगको प्रतिवेदन सार्वजनिक गर्न माग गरेको छ।

अलाएन्सले फाल्गुन २१ गते सार्वजनिक गरेको खुला पत्रमार्फत देशलाई संक्रमणकालीन अवस्थाबाट शान्तिपूर्ण र भयरहित तवरले निर्वाचन सम्पन्न गराई संवैधानिक मार्गमा फर्काउन सफल भएको भन्दै प्रधानमन्त्री कार्कीको नेतृत्वको प्रशंसा गरेको हो।

खुला पत्रमा निर्वाचन हुँदैन भन्ने विभिन्न संशय र बाधाका बीच पहिलो महिला प्रधानमन्त्रीका रूपमा कार्कीले देखाएको दृढ नेतृत्वको प्रशंसा गर्दै इतिहासले त्यसलाई सम्मान गर्ने उल्लेख गरिएको छ।