मौन अवधिमा झुठा सामग्रीको प्रचारप्रति नेपाली कम्युनिस्ट पार्टीको आपत्ति

काठमाडौँ । मौन अवधिमा नेपाली कम्युनिस्ट पार्टी (नेकपा) र तारा चिन्हबाहक उम्मेदवारबिरुद्ध विभिन्न सामाजिक सञ्जालमार्फत झुठो सामग्री प्रचार भएकामा पार्टीले आपत्ति जनाएको छ ।

केन्द्रीय कार्यालय सचिव गणेशमान पुनले नेपाली कम्युनिस्ट पार्टीका उम्मेदवारहरूविरुद्ध सुनियोजित रूपमा असत्य कथा, भ्रामक सूचना र हेरफेर गरिएका भिडियोहरू सार्वजनिक भइरहेकामा चिन्ता ब्यक्त गरेका छन् । उनका अनुसार पार्टीका संयोजक प्रचण्डको आवाज जस्तो आउने गरी बनाइएका नक्कली भिडियो बन्द गराउन पटकपटक ध्यानाकर्षण गराउँदा पनि कुनै सुनुवाइ नभएकामा आपत्ति जनाइएको छ ।

देश जलाउने, जेन्जी युवाको हत्या गर्ने तथा देशको अस्तित्व नै जोखिममा पार्न खोज्ने शक्तिहरु नै यस्ता दुस्प्रचारमा लागिरहेको पार्टीले जनाएको छ ।