“द भ्वाइस अफ नेपाल सिजन-७” को उपाधि दैलेखकी नीताकुमारी थापा मगरले जितिन्

काठमाडौँ । लोकप्रिय गायन रियालिटी कार्यक्रम ‘द भ्वाइस अफ नेपाल’ सिजन-७ को उपाधि दैलेखकी नीताकुमारी थापा मगरले जितेकी छन् । यससँगै उनी कार्यक्रमको इतिहासमा पहिलो महिला विजेता पनि बनेकी हुन् ।

शनिवार सम्पन्न सातौँ सिजनको ग्रान्ड फिनालेमा सञ्जीता दुरा थर्ड रनर-अप बनेकी छन् । उनी टिम मेलिनाबाट प्रतिस्पर्धामा थिइन् । यसैगरी, सेकेण्ड रनर–अपमा टिम प्रमोदबाट पुनम गुरुङ रहिन् भने टिम राजुबाट नीताकुमारी थापा मगर विजेता बनेकी हुन् ।

ग्रान्ड फिनालेमा उत्कृष्ट प्रतिस्पर्धीहरूमध्ये नीताकुमारी थापा मगरले सर्वाधिक भोट तथा मूल्यांकन प्राप्त गरी च्याम्पियनको उपाधि हात पारेकी हुन् ।

फाइनल चरणसम्म पुगेका प्रतियोगीहरूमा सागर संसार राई, पुनम गुरुङ र सञ्जीता दुरा लगायतका कलाकार थिए, जसले दर्शकमाझ मनमोहक प्रस्तुति दिएका थिए ।

थापा मगरको प्रस्तुति तथा गीत चयनले निर्णायक र दर्शक दुवैबाट सकारात्मक प्रतिक्रिया पाएको थियो, जसले उनलाई उपाधितर्फ अग्रसर गराएको जनाइएको छ ।