प्रभु बैंकका सञ्चालक श्रेष्ठले दिए राजीनामा

काठमाडौँ । प्रभु बैंकका एक सञ्चालकले राजीनामा दिएका छन् । प्रहरीको केन्द्रीय अनुसन्धान ब्युरो (सीआईबी)ले अनुसन्धान गरिरहेकै समयमा सञ्चालक सुरज कुमार श्रेष्ठले राजीनामा दिएका हुन् ।

बैंकका प्रवक्ता रवीन्द्र ढकालका अनुसार उनले दिएको राजीनामा बुधवार बसेको सञ्चालक समिति बैठकले स्वीकृत समेत गरिसकेको छ ।

सीआईबीले बैंकका प्रमुख कार्यकारी अधिकृत (सीईओ) अशोक शेरचनसहित नायव प्रमुख कार्यकारी अधिकृत मणिराम पोखरेल र प्रमुख कर्जा अधिकृत रिवास श्रेष्ठलाई नियन्त्रणमा लिएर अनुसन्धान गरिरहेको छ ।

बुधवार बैंकका रेमिट्यान्स विभाग प्रमुख सुगेन (सुजिन)शाक्यलाई पनि सीआईबीले पक्राउ गरेको छ ।